Real Unión Club: Irazusta; Santos, Espigares, Montoro, Parada; Rivero (Azkue, 90. min), Beobide, Alain Oyarzun (Iván Pérez, 91. min), Carlos Bravo (Fede Andrada, 65. min), Nacho Sánchez (Julián Luque, 80. min); Jon Ander Pérez (Gagua, 65.).
CD Numancia: Ayesa; Pol, Gorka Pérez, Román, Simic, Valín; Toni Arranz, Daniel Rodríguez (Mancebo, 81. min), Bonaldo; Rubén Mesa, Mahicas (Mario Barco, 81. min).
Epailea: Muñoz Piedra. Txartel horiak Miguel Santosentzat (Real Unión), Fernando Romanentzat eta Simicentzat (CD Numancia)
Real Union Clubak garaipen oso garrantzitsu bat lortu du Stadium Galen. Iñaki Goikoetxearen mutilek 1-0 irabazi diote CD Numantziari. Gola azken minutuan iritsi da, penaltiz, Riverok egina.
Lehenengo aukera hamargarren minutuan iritsi da, Alain Oyarzunek eskuin hegaletik egindako jaurtiketa batekin, baina baloia Ayesaren atearen eskuinetik atera da. Hurrengo aukera 32. minutuan iritsi da, Bravok areatik kanpo egindako jaurtiketa batekin, baina Soriako taldearen atearen gainetik joan da baloia. Lehen zatiko Numantziaren aukerarik argiena 44. minutuan iritsi da. Mahicasek 25 bat metrotik jaurti du Irazusta gainditu nahian. Ez du asmatu, jaurtiketa gora joan zaio.
Fede Andradak partida aldatu du. 68. minutuan izan du bere lehenengo aukera, baina bere jaurtiketa Ayesak gelditu du. Hurrengo jokaldian CD Numantziak izan du bere aukera Toni Arranzen burukada batekin, baina Irazustak kornerrera desbideratu du baloia.
Eromena partidaren amaierara iritsi da. Fede Andradak azken unera arte borrokatu du baloi bat area barruan, defentsak zangotrabatu egin du eta penaltia ezarri du. Quique Riverok sartu du penaltia eta euforia ekarri du Stadium Galera.
Datorren astean Real Unionek etxean jokatuko du berriro. Partida igandean izango da, 16:00etan, Real Murtziaren aurka.
