Giro zoragarri baten erdian ospatu da larunbat honetan Beteranoen Urteroko 43. Bilera.
Ohiko hitzordua San José Langilearen parrokian eman den mezarekin hasi da, azken bi urte hauetan hildako José María Aramburu, Germán Setién, Iñaki Iñarra, Mikel Ucín, Ernesto Isarch, Carlos Areopajita, Manolo Irazoqui, Esteban Txintxurreta, Jesús Daboz, Juan Mari Azcárate, Xabier Anatol, Paco Ferre, Ito Legorburu, Patxi Quiroga, Paco del Pozo, Manu Sagarzazu, Txomin Solaegui, Agustín Amantegui eta Víctor Zabalo (Beteranoen Elkartearen Ohorezko Presidentea eta Beteranoen Urteroko Bileraren bultzatzaile nagusia) kideen omenez.
Jarraian elkartearen Ohiko Batzar Nagusia ospatu da, eta bertan gai-zerrendako puntu guztiak onartu dira. Joxean Legorburu aho batez berraukeratu dute elkarteko presidentea izateko. Hitzordua elkartearen lokal sozial berrian izan da lehen aldiz, Kostorbe Alde kalean (Stadium Galen atzealdean).
Jardunaldiari amaiera emateko, bazkaria egin da Iñigo Lavado jatetxean, Irungo klubaren historiako garai guztietako 80 lagun baino gehiagorekin, eta elkarteko lagun eta laguntzaileekin. Real Unióneko Administrazio Kontseilua Juan Mancisidor presidenteordeak eta Iñaki Solbes eta Joseba Bereau kontseilariek ordezkatu dute.
Bazkalostean, bertaratutakoek zuzenean jarraitu dute Racing Club de Ferrol eta Real Uniónen arteko partida, A Malatan jokatutakoa.
