Real Unióneko abonatuek lehentasuna izango dute berriro Real Unión eta RCD Mallorca taldeen arteko Errege Kopako bigarren kanporaketako partidarako sarrera bat eskuratzeko orduan. Partida Stadium Galen jokatuko da abenduaren 20an, 21:00etatik aurrera.
Sarreren salmenta datorren larunbatean, abenduak 3, irekiko da. Beharrezkoa izango da abonatuak Stadium Galeko edo denda ofizialeko bulegoetatik pasatzea jendaurreko ordutegian, astelehenetik larunbatera, 10:00etatik 13:30era eta 17:00etatik 19:30era, abenduaren 6an eta 8an izan ezik, jaiegunak baitira. Klubak partida aprobetxatuko du bere abonatuekin datu-basea eguneratzeko.
RCD Mallorca taldeko zaletuek ere euren sarrera erosi ahal izango dute astelehenetik aurrera, kasu honetan online https://entradas.realunionclub.com/copa-del-rey estekaren bidez. Real Uniónek gune bat prestatuko du Ekialdeko Tribunan bisitarientzat.
Abenduaren 9tik aurrera, aldez aurretik erreserbatu ez diren abonatuen sarrerak estadioko gainerako eserlekuekin batera jarriko dira salgai, eta edozein zaletuk erosi ahal izango ditu, bai internet bidez, bai klubaren bulegoetatik edo dendatik pasatuta. Real Uniónek abonatuei bigarren sarrera bat erosteko aukera ematen die, abonatuen prezioan. Horretarako, kasu honetan, beharrezkoa izango da klubaren bulegoetara edo dendara joatea. Klubak abonatuei prezioak mantenduko dizkie, baina ezin izango die sarreren erreserba bermatu hilaren 9tik aurrera.
Partidarako adostutako prezioak honako hauek izango dira:
Tribuna Nagusia:
- Abonatu heldua (14 urtetik aurrera): 15 euro
- Abonatu haurra (13 urte arte): 12 euro
- Abonatuak ez direnak: 35 euro
Ekialdeko Tribuna:
- Abonatu heldua (14 urtetik aurrera): 12 euro
- Abonatu haurra (13 urte arte): 10 euro
- Abonatuak ez direnak: 25 euro
Preferentzia:
- Abonatu heldua (14 urtetik aurrera): 10 euro
- Abonatu haurra (13 urte arte): 5 euro
- Abonatu helduak ez direnak (14 urtetik aurrera): 20 euro
- Abonatu haurrak ez direnak (13 urte arte): 10 euro
