Akerreta Bulegoetako Ekipamendu Integrala, Real Uniónen babesle berria

Real Unión eta Akerreta Bulegoetako Ekipamendu Integrala akordio batera iritsi dira eta, horren arabera, Irungo enpresak klubari babesa emango dio datorren urtean. Irungo Soroxarta industrialdean kokatua, bulegoen ekipamendu integralean espezializatua dago, enpresei zein partikularrei neurrirako irtenbideak eskainiz, Euskadi, Nafarroa, Errioxa eta Iparraldeko bezeroekin lan eginez.

“Gure baloreak gure profesional eta bezeroekin gure egunerokotasunean aplikatzen ditugun printzipioak adierazten dituzte. Haiek izan dira gure garapenaren gakoa 40 urte baino gehiagoan, eta datozen urteetan ere gure hazkundearen oinarri izaten jarraituko dute. Ildo horretan, ikusten dugu Real Uniónen proiektu berri baten oinarriak finkatzen ari direla, serioa, konprometitua eta epe luzerakoa, eta horregatik eman dugu urratsa familia txuribeltzean sartzeko”, adierazi du Alberto Akerreta enpresako gerenteak.

Akordio horren esparruan, Akerreta Bulegoen Ekipamendu Integralak Stadium Galeko batzar-aretoa eta klubaren bulegoak lehen markako altzariekin hornitu ditu.

“Eskualdean finkatutako enpresaren beste adibide bat da, profesional handiekin, lana eta dedikazioarekin sektorean aurrera egitea lortu dutenak eta erreferentzia bihurtu direnak kalitatearen eta arretaren aldetik. Bide batez, eskerrak eman nahi dizkiet proiektu honetan konfiantza izateagatik”, adierazi du Igor Emery Real Unióneko Administrazio Kontseiluko presidenteak.

Parteka ezazu

Zurekin hazten jarraitu nahi dugu...

ZU ERETXURIBELTZ

DENDA

Taldearen produktu guztiak prezio onenetan

NOBEDADEA

Lotutako albisteak

Real Uniónen eta CD Lugoren arteko akordioa Patrick Sequeiraren alde
Iván Pérezek denboraldi baterako berritu du
Sergio Llamasek ez du Real Uniónen jarraituko