David Movilla Real Unióneko entrenatzaileak agerraldia egin du ostiral honetan Stadium Galeko prentsa aretoan, lehen taldeak larunbat honetan CD Eldenseren aurka jokatuko duen partidaren atarian.
Aurkariari buruz galdetuta, Movillak esan duenez, “talde honen bertutea da, guztiarekin joateaz gain, mugatu egiten zaituela, animaliak bezala lehiatzen direla. Oso zaila da gabeziak aurkitzea. Datorkigun aurkaria da. Joaneko partidan, Real Uniónek partida bikaina eginez eta akats gutxi eginez, 2-0 galdu zuen”. Real Unióneko entrenatzaileak aitortu duenez, “Lezaman irabazi zen bezala irabaztea garrantzitsua da alderdi emozionalean, baina horrek ez du orain balio. Orain beste bat sortu behar da, batasunekin, elkartasunerakin”.
CD Eldenseko azken partida zuzenean ikustera joan zela adierazi du Movillak. “Iragan larunbatean, Real Murciaren aurka ikusten egon nintzenean, partida bat ikusi nuen, baina Montororen kanporaketarekin eta astean zehar gertatu zaigunarekin beste bat izango da. Iván Pérez, Jon Mikel Aramburu, Gorka Kijera, Chema Núñez, Carlos Bravo eta Joel Jiménez jokalarien bajak ditugu. 16 jokalari ditugu jokatzeko prest, baina 11 jokalari ditugun bitartean zelairatzen direnak konprometituta egongo dira, erritmo bizia ezartzen dizun talde baten aurka”. Nolanahi ere, Barakaldokoak argi dauka: “11 aterako dira, argi daukagu nola jokatuko dugun eta nola lehiatuko garen. Defentsan bajak pilatzen zaizkigu baina daukagunarekin jokatuko dugu”.
Talde bisitariaren mailaz galdetuta, Real Unióneko entrenatzaileak ez du zalantzarik: “Hurrengo txapelduna izango da eta datorren urtean futbol profesionalean arituko da, baina espero dut larunbat honetan hemen beraientzat erraza ez izatea”.
Azkenik, Unai Agirre deialdian sartuko dela baieztatu du Movillak. “Federazio-lizentzia prest dago, eta, beraz, deialdian sartuko da. Oso ondo egokitu da. Hemengoa izateak lagundu egiten du eta oso ondo integratu da. Real Uniónek oso ondo estalitako atea dauka. Joel sar daitekeenean maila handiko lau atezain izango ditugu, Iker Iza ere asko ematen ari zaigulako entrenamenduetan”.
Lehen Federazioko 2. Multzoko 20. jardunaldiko partida arratsaldeko 19:00etatik aurrera jokatuko da.
