Ausarta Prima S.L. Real Uniónen proiektuarekin bat egin du, enpresak eta Irungo erakundeak lortutako akordioaren ondorioz. Energia berdea merkaturatzen duen enpresa da, eta egoitza nagusia Erandioko (Bizkaia) Asuaran Industrialdean du.
“CNMVk ziurtatutako energia elektrikoa hornitzen dugu, % 100eko A motako energia berriztagarri gisa, eta, horrela, ingurumena babesten eta klima-aldaketaren aurka borrokatzen laguntzen dugu. Era berean, Eusko Jaurlaritzak emandako kudeaketaren bikaintasunaren Q maila daukagu”, adierazi du Koldo Bordas enpresako gerenteak.
2024ko ekainera arte indarrean egongo den akordio horren arabera, merkaturatzaileak energia elektrikoa eta gasa hornituko dizkio klubari.
“Kirolaz haratago doazen balioak daude, eta Real Uniónek, gizarte-eragile gisa, barneratuta eduki behar ditu. Bi urte eta erdi hauetan aurrerapausoak eman ditugu euskara, emakumeen kirola edo inklusioa bezalako arloetan, orain pauso garrantzitsua ematen dugu ingurumenaren babesaren arloan ere”, adierazi du Igor Emery Real Unióneko Administrazio Kontseiluko presidenteak.
