Fran Justo Real Unióneko entrenatzaileak agerraldia egin du gaur goizean Stadium Galeko prentsa aretoan, taldeak bihar CyD Leonesa taldearen aurka jokatuko duen partidaren atarian.
Teknikariak onartu duenez, “etxean jokatzen dugu berriro, gure jendearekin, eta oso indartsu sentitzen gara. Berriro partida on bat egiteko gogo handia dugu. Lau partida geratzen zaizkigu. Bihar lehena. Indar guztiak jarri behar ditugu. Gure helburua hiru puntuak ateratzea da”.
Kazetarien galderei erantzunez, Justok gogorarazi duenez, “Cornelláren eta Unionistasen aurka oso giro ona sortu zen Stadium Galen. Aurreko egunean, Iruñean, haraino joan ziren zaletuei barkamena eskatu behar izan genien, ez geniolako merezi zuten emaitza eman, eta egin zuten joan-etorriaren ondoren. Bihar aurkari handia izango dugu, gauzak zailduko dizkigu. Baina taldea gai da eta bat eginda joan behar dugu, taldea eta zaletuak, partida aurrera ateratzeko”.
“Usaindu egiten da, bihar giro polita egongo dela sentitzen da. Azken ahalegin hori eskatzen diot jendeari, denok batera egotea, armarriaren alde, taldearen alde, helburua lortzeko”, esan du amaitzeko.
Lehen Federazioko 1. Multzoko 35. jardunaldiko partida larunbatean jokatuko da, Stadium Galen 19:00etatik aurrera.
