“Beldurrik ez! #WeAreTheRealUnion” lelopean, Real Uniónek denboraldi erdiko abonatuen kanpaina abian jarriko du gaurtik aurrera, ligaren amaierarako prezioak % 50era jaitsiz. Kanpaina 2024ko urtarrilaren 19ra arte luzatuko da, Stadium Galen CD Arenteiroren aurkako bigarren itzuliko lehen partida jokatu aurreko ostiralera arte.
Kategoria eta kokapen desberdinetarako prezioak honako hauek izango dira:
Gaurtik aurrera eta datozen bi hilabeteetan klubeko sare sozial ofizialek denboraldi erdiko abonatuen kanpainari buruzko informazio jarraitua eskainiko dute, karteldegi, hainbat hizkuntzatako mezu eta etiketa desberdinekin, klubaren masa soziala handitzeko eta txuribeltz familia handiari jarraitzaile berriak gehitzeko helburu nagusiarekin.
Eskaintza berezia Black Friday jaiarekin bat eginez
Gainera, klubak eskaintza berezia egingo du Black Friday jaiarekin bat eginez. Denboraldi erdiko abonua gaurtik ostiralera bitartean eskuratzen duten jarraitzaileek, halaber, Galen jokatuko diren lehen itzuliko azken hiru partidak ikusteko aukera izango dute: azaroaren 26an SD Logroñésen aurka (12:00etan), abenduaren 10ean Osasuna Promesasen aurka (12:00etan) eta urtarrilaren 3an Sestao Riverren aurka (19:00etan).
Abonu berriei honela eman dakieke alta:
- RUC Store denda ofizialean, astelehenetik ostiralera, 10:00etatik 12:00etara; eta astelehen, ostegun eta ostiraletan, baita arratsaldez ere, 17:00etatik 19:00etara
- Online, https://realunionclub.compralaentrada.com/abonos/nuevo estekaren bidez
