CD Castellón: Sarr; Granero, Kochorashvili, Carles, Koné (Fuentes, 84. min.); Sánchez (Rodríguez, 46. min.), Salva Ruiz, De León (Suero, 60. min.), De Miguel (Cubillas, 77. min.), Pablo Hernández (Fabricio, 60. min.); Iago Indias.
Real Unión Club: Irazusta; Aramburu, Montoro, Pérez, Parada; Rivero (Espigares, 84. min.), Beobide, Oyarzun (Santos, 75. min.), Luque (Azkue, 75. min.), Sánchez (Gagua, 65. min.); Bravo.
Emaitza (1-1): 1-0, De Miguel (63. min.); 1-1, Aramburu (64. min.).
Epailea: David López Jiménez. Txartel horia atera die Konéri (58. min.) eta Carlesi (93. min.) CD Castellónen eta Paradari (35. min.) eta Luqueri (70. min.) Real Uniónen.
Bestelakorik: Lehen Federazioko 2. Multzoko ligako 37. jardunaldia. Castalia. 8.600 ikusle.
Real Uniónek berdinketa lortu du gaur arratsaldean Castalian CD Castellónen aurka, eta, horri esker, bere esku izango du ligako azken partidan mailari eustea, datorren larunbatean, Stadium Galen, CF La Nucíaren aurka. Etxekoak nagusi izan dira eta aukera onenak izan dituzte azazkalekin eta hortzekin defendatzen jakin duen talde irundarraren aurka. Partidako lehen minutuetan hiru erremate egin dituzte zutoinera, De Miguel, De León eta Koné protagonista izan direlarik. Irundarren aldetik, bi arrisku aukera. Pérezek erremate bat egin du 10. minutuan, baina kanpora joan zaio, Oyarzunek ateratako korner baten ondorioz, eta 16. minutuan Bravok area kanpotik egindako jaurtiketa batek Sarr harrapatu du. Atsedenaldiaren aurretik, partidako jokaldi polemikoetako bat. Luquek penaltia eskatu du area barruan bultza egiteagatik, baina epaileak jokaldia jarraitzen utzi du eta Real Unióneko jokalariaren eskua pitatu du.
CD Castellón berriro ere erritmo biziarekin zelairatzen saiatu da bigarren zatian, baina minutuak aurrera joan ahala Real Uniónek hobera egin du, pilotaren jabetza handiagoarekin. Eta irundarrak ondoen zeudenean iritsi da etxekoen gola, De Miguelek egina. 63. minutuan. Behera etorri beharrean, Iñaki Goikoetxearen mutilek erreakzionatzen jakin dute, eta hurrengo jokaldian berdinketaren gola iritsi da, Aramburuk area kanpotik egindako jaurtiketa baten bidez egindakoa. Hortik aurrera, azken partidetako gidoia. Sufritzea egokitu zaio eta asko, baina saria berdinketa moduan iritsi da eta irundarrak euren esku dute azken jardunaldian mailari eustea.
