Real Uniónek bigarren urtez jarraian irabazi du txapelketa.
San Pedro eta San Martzial jaietako egitarauaren barruan, San Pedro eta San Martzial jaiak ospatzen dira mugaldean egun hauetan, eta, erakundeekin eta sponsorekin elkarlanean, Real Unión Clubeko Beteranoen Elkarteak antolatuta, joan den larunbatean ospatu zen, Stadium Galen, “Irun Hiria” Beteranoen Torneoaren hirugarren edizioa, ongintzazko izaerarekin.
Triangelu formatuan, Iruñeko Oberena Kirol Elkarteak eta Aviron Bayonnais FC taldeak parte hartu zuten, Real Unión Club talde anfitiroiarekin batera. Azken honek lortu zuen garaipena, titulua bigarren urtez jarraian berretsiz. Nafarrak bigarren geratu ziren eta frantziarrak hirugarren.
Sailkapena:
1. Real Unión Club: 6 puntu (+3)
2. CD Oberena: puntu 1 (-1)
3. Aviron Bayonnais: puntu 1 (-2)
Real Uniónen izenean Iván Pascual, Joseba Bereau, Miguel Calvo, Iñaki Berruet, Javi Garmendia, Alfonso Gurruchaga, Iñigo Olaizola, Ketxus Aguirre, Álvaro Cienfuegos, Álex García, Luis Laguardia, Raúl Llona, Denis González, Ibai Etxabe, Avelino Bernardo, Asier Legorburu, Javier Zabalo, Aitor Gómez, Óscar Palenzuela eta Román Sagüés aritu ziren. Eta Oberenan, zaletu unionisten aspaldiko lagunak, Gorka de Carlos edo Pedro Amiano, besteak beste.
Emaitzaren gainetik, hau da gutxienekoa, parte hartu zuten hiru taldeen artean bizi izandako adeitasun giro bikaina, nagusi zen umore ona eta partiden lehian jokalari guztiek erakutsitako kiroltasun bikaina izan ziren eguneko notarik aipagarrienak, sari banaketaren ondoren, senidetze barbakoa zaporetsu bat izan zuena, Vinoteca Mendibilek eta Distribuciones Villaverdek babestua.
Zozketan saritutako zenbakia 742a izan zen. Bildutako dirua Behar Bidasoa GKEra bideratuko da.