Joan den urriaren 29an, Pascal Destruhaut-ek, PEIO7 elkarteko kideak, prestakuntza-hitzaldi bat eman zuen, non adin txikikoei bihotzeko azterketak egitearen garrantziaz eta gai horren inguruko informazioaren, prebentzioaren eta hezkuntzaren beharraz jardun zuen, haur eta gazteak kirolariak izan ala ez, bihotzeko arazo posibleak garaiz antzemateko.
Pascalek bere esperientzia pertsonala partekatu zuen: semea lasterketa batean bihotz-geldialdi baten ondorioz galdu zuenetik, PEIO7 elkarteko kide aktiboa da. Elkarte hau Frantzian aitortua dago eta bere jarduera mugak zeharkatuz zabaltzen ari da.
Hitzaldira Administrazio Kontseiluko kideak, klubeko langileak, entrenatzaileak eta harrobiko jokalarien familiak bertaratu ziren. Gainera, Iruneko Babes Zibila-ko kideek desfibriladore baten erabileraren inguruko erakustaldi praktikoa egin zuten. Klubak eskerrak eman nahi dizkie bai emandako prestakuntzagatik, bai eguneroko lanagatik gure hiria seguruago egiteko.
Gai honekiko konpromisoaren erakusgarri, Real Unionek desfibriladore berri bat jarri du Anexoan, eta PEIO7 elkartearen logotipoa txertatu du lehen taldeko praketan eta harrobiko jokalarien kamiseten mahukan. Horrela, ez bakarrik elkarteari aitortza egiteko, baizik eta gure jokalari guztiak konpromiso honen parte senti daitezen.
