Real Unión Clubek eta BM Supermerkatuak sendotu egin dute euren harremana elkarrekin daramaten 14. denboraldian. BM Supermerkatuak Bidasoa eskualdeko kirolarekiko konpromisoa berretsi du, Iruneko Real Unión bezalako erreferenteetako bati babesa emanez.
BM Supermerkatuak Real Uniónen babesle nagusi izaten jarraitzen du, eta aliantza hori agerian geratzen da txuribeltz erakundearen ekintza eta komunikazioetan, baita Stadium Galeko publizitate-euskarri ezberdinetan eta klubeko taldeetako kirol-jantzietan ere.
Real Unioneko administrazio-kontseiluko presidente Igor Emeryren hitzetan, “Real Unionentzat harrogarri da sortu zenetik tokikoaren aldeko apustua egiten duen marka batekin lotuta jarraitzea, azken urteetan bere jatorria ahaztu gabe hazten joan den arren. Eskerrak eman nahi dizkiogu ematen digun laguntza bizigarri horrengatik, are gehiago denboraldi zaila den honetan, konpromisoaren adibide baita eta famili txuribeltza osatzen duten kide garrantzitsuenen artean —gure zaleak eta gure laguntzaileak— loturak sendotzen laguntzen baitu.”
Grupo Uvescoko presidente José Ramón Fernández de Barrenaren arabera, “Real Unionekin lankidetzan aritzea harrotzeko motiboa da BM Supermerkatuentzat, eta gure ingurunearekiko dugun konpromisoaren beste adierazgarri bat. Ez da behin-behineko konpromisoa, eta ez alferrik betetzen ditu aurten 14 urte.”
