Aitor Zulaikak zuzentzen duen taldeak zazpi lagunarteko jokatuko ditu denboraldia hasi aurretik.
Real Unionen 2021/22 urteko aurredenboraldia datorren uztaiaren 12an hasiko da, astelehenez, Stadium Galen. Denboraldi ofiziala abuztuaren 28-29 asteburuan hasi aurretik zazpi lan-aste izango dira, eta tarte horretan zazpi lagunarteko daude aurreikusiak.
Lagunartekoaen egutegia, ordutegiak oraindik konfirmatu behar direlarik, honako hau da:
- Uztailak 28: Alavés B – Real Union (Ibaia)
- Uztailak 31: Real Union – Racing (Stadium Gal)
- Abuztuak 4: Mutilvera – Real Union (Lerin)
- Abuztuak 7: Real Sociedad C – Real Union (Zubieta)
- Abuztuak 11: Real Union – Bilbao Athletic (Hondarribia)
- Abuztuak 14: Ebro – Real Union (Robres)
- Abuztuak 21: Real Unión – Izarra (Stadium Gal)
Uztailaren 24ean Real Unioneko jokalarien arteko partida bat jokatuko da Stadium Galen. Ikusleen inguruko xehetasunak datak hurbildu ahala jakinaraziko dira.
Uztailaren 31ako aurkezpen ofiziala prestatzen
Uztailaren 31n, San Inazio egunean, Real Unioneko lehen taldearen aurkezpen ofiziala burutuko da. Junkaleko Andre Mariaren elizan hildakoen omenez egingo den mezaz eta Racingen aurkako neurketaz gain, klubak aurkezpen ekitaldi batean lanean ari da. Bertan, lehen taldea eta harrobia osatzen duten jokalari, entrenatzaile eta laguntzaileen aurkezpena egingo da. Egun horretan bertan Jorge Galanek eta Mikel Azkoitik klubari eta zaletuei behar bezala agur esateko aukera izango dute, Real Unionen 8 denboraldi igaro ondoren.
