Aitor Zulaika Real Unióneko entrenatzaileak agerraldia egin du Stadium Galeko prentsa aretoan, igande honetan CD Eldenseren aurka Eldan jokatuko den partidaren atarian, 12:00etatik aurrera.
“Pozik nago kanporaketa pasa dugulako, helburua zelako eta Errege Koparako sailkatzeko ezarri dugun bide horretan jarraitzen dugulako. Hurrengo geldialdia Náxara CDa izango da, baina gaur egun CD Eldensen zentratuta nago. Nolanahi ere, Galera gauzak zailtzera eta kanporaketa pasatzen saiatzera etorriko den aurkaria da”, adierazi du Azpeitikoak Federazio Kopako aurreko asteazkeneko partidari buruz galdetuta.
Lesionatuei dagokienez, Real Unióneko entrenatzaileak azpimarratu duenez, “elkarrizketa guztietan galdetzen didazue lesionatuei buruz, baina aurreratu diezazuket asteazkenean lesionatu ziren Quique Rivero eta Antonio Espigares baja izango direla. Iraupena oraindik ez dakit. Asteazkenean esan nuen, lesionatuta daudenak animatu behar ditugu eta gaudenetan jarri arreta. Eta horretan nabil. Eldara daukagunarekin joango gara, eta ona da. Ziurrenik bigarren taldeko jokalari batzuk joango dira, esperientzia bat biziko dutenak eta minutu batzuk jokatzeko aukera izango dutenak. Alde positiboari ere begiratuko diogu “.
Igandeko aurkariari buruz, Zulaikak esan duenez, “talde ona espero dut. Badakit beti esaten didazuela gauza bera esaten dudala. Baina berdin zait, egia da eta. Egin dituen fitxaketen jatorriak hala dio: Badajozetik, Alcorconetik, Andorratik, jokalarien curriculumak talde ona dela esaten dit”. Nolanahi ere, Azpeitikoak adierazi duenez, “gure planteamendu orokorra ez da asko aldatuko, beste gauza bat da partidaren zirkunstantziek gero gauzak aldaraztea, baina gure planteamendu orokorra betikoa izango da”.
Partida, Lehen Federazioko 2. multzoko 4. jardunaldiari dagokiona, igandean jokatuko da, Nuevo Pepico Amat-en, 12:00etatik aurrera.
