Real Unión Club: Irazusta; Santos (Capelete, 77. Min.), Montoro, Pérez (Seguín, 69. min.), Jaso, Parada (Kijera, 69. min.); Beobide, Agirre (Luque, 75. min.), Herrero; Bravo, Sánchez.
Real Sociedad B: Marrero; Gabilondo, Gómez (Ezkurdia, 77. min.), Arambarri, Magunazelaia (Garrido, 77. min.); Martón (Azkune, 88. m in.), Cantero, Gorrotxategi, Kortajarena, Teijeira (Dadie, 56. min.); Agirre (Lespinasse, 56. min.).
Emaitza (0-1): 0-1, Magunazelaia (10. min.).
Epailea: Miguel Sesma Espinosa. Txartel horia atera die Pérezi (14. min.) Real Uniónen eta Gorrotxategiri (78. min.) Real Sociedad B taldean.
Bestelakorik: Lehen Federazioko 2. Multzoko ligako 9. jardunaldia. Stadium Gal. 1.380 ikusle.
Lehen Federazioko derbi gipuzkoarra Donostiara joan da, Sansek Real Unióni irabazi baitio gaur arratsaldean Stadium Galen Magunazelaiaren gol bakarrari esker.
Denboraldiko beste partida batzuetan gertatu den bezala, Real Uniónek berehala ikusi du bere burua markagailuan atzetik. 9. minutuan, Sanseren lehen hurbilketa arriskutsuan, 0-1ekoa iritsi da Magunazelaiaren areaz kanpotik egindako erremate bikain batekin. Irazustak ezin izan du ezer egin. Magunazelaiak berak izan du bigarrena bost minutu geroago, Irungo taldeko atezainak ondo blokatu ez duen zuzenean jaurtitako falta batean, eta sare barrura sartzeko zorian egon da. Real Unión erreakzionatzen saiatu da, bi hurbilketarekin. Lehenengoa, 25ean, Santosen jokaldi batekin, kornerrera joan da Sánchezekin pareta egin ondoren. Bigarrena, 37. minutuan, Bravok atera eta Montorok errematatutako korner batean. Atsedenaldira iritsi baino lehen, Irungo taldeak lehen zatiko argiena izan du, Bravoren jaurtiketa gurutzatu batekin. Marrerok baloia kornerrera bidali behar izan du.
Bigarren zatia hasi bezain laster Nacho Sánchezek probatu du urrutitik, Marrero geldiketa ona egitera behartuz. Gabilondok ere probatu du Donostiako taldean 59. minutuan, eta berriro Sánchezek, 80.ean, kornerrera joan den jaurtiketa batekin. Partiduaren nota positiboa, Seguín, Beobide, Capelete, Kijera eta Luque jokalariak lesioak gainditu ostean zelaietara itzuli izana.
Hurrengo irteera Calahorrara izango da, La Planillan CD Calahorraren aurka jokatzeko igandean, urriak 30, 16:00etatik aurrera.
