Real Uniónek eta Excavaciones Arzuagak akordioa lortu dute Irungo enpresa klubaren laguntzaile bihurtzeko. Dozena erdi langilerekin eta Irungo Bidasoa auzoan kokatua, enpresa, 2018ko apirilean sortua, hedapen prozesuan dago une honetan.
“Enpresa gaztea gara, tartea ireki eta pixkanaka hazten saiatzen ari dena. Hiriko taldearekin elkarlanean aritu nahi genuen, eta proiektua erakargarria iruditu zitzaigun. Lehen kontaktua egin genuenetik dena oso erraza izan da. Elkarrekin lan egingo dugu akordio hau iraunkorra izan dadin”, adierazi du Aitor Arzuaga enpresako arduradunak.
Oscar Galán kontseilariak adierazi duenez, “hasi berri den denboraldi berri honen hasierarekin ikusten ari gara enpresa berriak gurekin harremanetan jartzen ari direla, proiektuarekiko interesa agertuz. Beti esan izan dugu elkarrekin indartsuagoak izango garela eta urrunago iritsiko garela, eta horregatik gustatzen zaigu firma berriak Real Uniónen sartzea”.
