Ostegun honetan, abenduak 29, Palmera Monteron ospatutako Ez-ohiko Batzar Orokorrak 1,5 milioi baino gehiagoko kapital-gehikuntza prozesu bati hasiera ematea onartu du. Guztira 151.514 akzio berri aterako dira, indarrean daudenen eskubide eta betebehar berdinekin, 10 euroko prezioarekin.
Harpidetza-eskubidean akzionistek izango dute lehentasuna lehenengo epe batean. Bi akzioekiko beste akzio berri bat izenpetu ahalko dute. Harpidetza egiteko epea hilabetekoa izango da, eta BORMEn argitaratzen den egunetik aurrera hasiko da. Orduan, klubak bere web orriaren bidez eta posta elektroniko bidez jakinaraziko die hori ematen duten akziodunei, diru-sarrera zein kontu-zenbakitan egin behar den adierazita.
Epe hori igarotakoan, bigarren epea hasiko da, eta, bertan, akziodunek, baldin eta lehen itzulian harpidetu ahal zituzten akzio guztiak harpidetuta badituzte eta harpidetu dezaketen akzio kopuru handiagoa harpidetu nahi badute, nahi duten kopuruan egin ahal izango dute. Ez da igoera osatugabe uztea aurreikusten, Emery familiak bigarren itzulian harpidetu gabeko kapital-gehikuntza osoa harpidetzeko asmoa jakinarazi baitu.
Bestalde, Ez-ohiko Batzar Orokorrak David González izendatu du aho batez Real Unióneko Administrazio Kontseiluko kide berri.
Guztira 24 akziodun bertaratu dira, akzioen % 54,34rekin.
