Real Uniónek hainbat ekimen antolatuko ditu datorren larunbatean CF La Nucíaren aurka jokatuko duen partidari begira. Partida 19:30ean hasiko da, Lehen Federazioko 2. Multzoko azken jardunaldiari dagokiona.
Egutegian gorriz markatutako hitzordu honen atarikoak girotzeko eta zaletuak taldearekin bizitzeko asmoz, klubak honako jarduera hauek antolatu ditu:
San Juan plaza (12:00etatik 14:00etara)
- Pintakarak
- Haurrentzako jarduerak
- Gymkana
- Real Unión League (3×3)
- Dj
- Photocall
Stadium Galeko kanpokaldea (17:00etatik 19:30era)
- Haurrentzako jarduerak
- Dj
- Txaranga (partidan zehar)
Harrera taldeari (18:00etan)
- Zaletuen harrera jokalariei Stadium Galen
Real Uniónek euro bateko aparteko sarrerak jarriko ditu abonatuen eskura, eta abonatu bakoitzak gehienez bi sarrera eskuratu ahal izango ditu. RUC Store dendan erretiratu ahal izango dira ostegunera arte, 19:30etan.
Zaletuen laguntza
Datozen egunetan, Real Uniónek Bidasoa eskualdeko kluben, kirolarien eta pertsona ezagunen laguntza-bideoak jarriko ditu sare sozialetan, taldeari babesa emanez eta zaletuei larunbatean Stadium Galera joateko eskatuz. Klubak #nieretxuribeltz hasthtag-a erabiliko du eta zaletuak animo bideoak edo argazkiak sare sozialetara igotzera animatzen ditu hashtag horrekin berarekin.
