“Garai berriak datoz. gogoan zaitugu, ZU ERE TXURIBELTZ!”

Real Unionek 1. RFEF Mailaren estreinaldian bere masa soziala finkatzeko abonu kanpaina ezagutzera eman du

“Garai berriak datoz. Gogoan zaitugu. Zu ere txuribeltz!” da 2021/22 denboraldirako Real Unionek 1. RFEF Mailaren estreinaldian bere masa soziala finkatzeko ezagutzera eman duen abonu kanpainaren lema. Prezioak denboraldi osorako antepalkoko 200 euroetatik preferentzian gazteen eta haurren 20 euroetara doaz eta hamaika kokapen desberdin izango ditu Stadium Galek. Gainera, abonatu babeslearen eta abonatu industrialaren kasuak ere jasotzen ditu.

Klubak %15. beherapena egingo die pertsona langabetuei eta %20. beherapena desgaitasunen bat duten pertsonei eta familiar ugariei (familia bereko 3 kide edo gehiago). Beherapen hauei heltzeko beharrezkoa izango da frogatzen dituzten dokumentuak aurkeztea.

Abonatuek aurreko denboraldiko karneta erabiltzen jarraituko dute, baina abonuak denboraldikoak izango dira eta ez urtekoak. Ordainketa helbideratua dutenek abuztuaren hasieran kobratuko zaie. Hala ere, klubetik, abonatuak laguntzeko, ordainketa bitan zatikatzeko aukera emango zaie. Interesatuek uztailaren 30a baino lehen jakinarazi beharko dute Stadium Galeko bulegoetan, astelehenetik ostiralera, 10:00etatik 13:30etara, 943 62 01 03 telefonora deituz edo administracion@realunionclub.com helbide elektronikora idatziz.

Pertsonalizatutako oparia

Abonua berritzen dutenenei klubak opari bat emango die beren fideltasun eta laguntzagatik hilabete hauetan zehar pandemiagatik zoritxarrez Galera lehen taldeko partidak ikustera etorri ezin izan direlako.