Real Unión Club: Irazusta; Santos (Elosegi, 92. min.), Senar, Ruiz, Kijera; Rivero (Ezkurdia, 92. min.), Beobide, Núñez (Pradera, 77. min.), Oyarzun (Seguín, 62. min.), Sánchez; Bravo (Vivancos, 92. min.).
CD Tudelano: Pellegrino; Iribarren, López, Cavafe, Luna; Gualda, Aranzabe (Cedenilla, 68. min.), González (Faber, 61. min.), Laerte (Cabellud, 82. min.), Ribeiro (Bassirou, 69. min.); Caballero (Alonso, 61. min.).
Emaitza (3-1): 1-0, Bravo (33. min.); 2-0, Rivero (36. min.); 3-0, Rivero, penaltiz (42. min); 3-1, Gualda (68. min.).
Epailea: Daniel Pastoriza Iglesias (Galizia). Txartel horia atera dio Oyarzuni (21. min.) Real Uniónen aldetik eta Lópezi (57. min.) CD Tudelanoren aldetik.
Bestelakorik: 1. RFEF Footters-ko I. Multzoko 38. jardunaldia. Stadium Gal, 2.000 jarraitzaile inguru.
Stadium Galeko garaipenaz gain, beste hiru zelaitara begiratu behar zen gaur arratsaldean, gehiegi azken jardunaldi batean, gauzak zure esku ez daudenean. Real Uniónek bere zatia bete du, irabaztea alegia, baina Rayo Majadahondak Badajozen, Logroñes UDk Leónen eta Unionistas de Salamanca CF A Coruñan lortutako garaipenek play-offik eta Errege Koparik gabe utzi dute Aitor Zulaikaren taldea.
Irungo taldea ez da ondo sartu partidan. Lehen aukera bisitaria izan da, 7. minutuan, Ribeirok area kanpotik egindako jaurtiketa bat alegia, kornerrera joan dena. Real Uniónek erantzun ona eman dio, 12. minutuan, Bravoren bitartez, area barruan egindako ebaki batekin, Pellegrinok kornerrera bidali duena, eta Alain Oyarzunen erdiraketa batekin gero, langan jo duena. Núñezek Aitor Zulaikaren taldea aurreratzeko aukera ere izan du 24. minutuan, harmailetako gehienek barruan ikusi duten erremate bikain baten bitartez. 32. minutuan, Bravoren erremateari esker, etxeko taldea markagailua ireki du, eta lau minutu geroago, Riverok bigarrena egin du. Atsedenaldiaren aurretik, Riverok hirugarren gola sartu du, 42. minutuan hain zuzen ere, Nacho Sánchezi penaltia egin ondoren. 3-0 atsedenaldian, etxeko lanak egin izanaren sentsazioarekin eta beste zelaietan gertatzen ari zenari zeharka begiratzen hasita.
Bigarren zatiko lehen abagune argia Beobidek izan du, baina bere jaurtiketa kanpora joan da. Oyarzunek ere izan du, langan jo duen zuzeneko falta batean. Hortik aurrera, erritmoa jaitsi egin da. Talde bisitariak 3-1ekoa lortu du 68. minutuan Gualdaren bitartez. Hortik partida bukaerara, hiru abagune on Real Uniónentzat: Aitor Seguínen falta zuzena 72. minutuan, eibartarraren baselina saiakera 84. minutuan eta Nacho Sánchezen jaurtiketa 87. minutuan.
Gaurko garaipenarekin, Aitor Zulaikaren taldeak 60 puntu, 18 garaipen, 6 berdinketa eta 14 porrotekin itxi du denboraldia, zortzigarren postuan. Guztira 51 gol sartu ditu alde eta 45 kontra.
