29 punturekin jartzen da Real Union eta bigarren jarraitzen du.
Real Union Club: Irazusta; Perez, Kijera, Senar, Azkoiti; Beobide, Capelete (Thior, 61. min.), Llamas (Rivero, 61. min.), Madrazo, Rivera (Viguera, 84. min.); Galan (Lucbert, 78. min.).
Real Sociedad B: Ruiz-Zeberio; Pecharroman, Jimenez (Lobete, 45. min.), Olasagasti, Arambarri; Alkain, Navarro (Martín, 83. min.), Ezkurdia, Aranzabe (Galarreta, 83. min.), Garrido (Aguirre, 69. min.), Turrientes (Veiga, 45. min.).
Emaitza (3-1): 1-0, Galan, penaltiz (17. min.); 2-1, Thior (65. min.); 2-1, Olasagasti (71. min.); 3-1, Viguera (92. min.).
Epailea: Pablo Fernandez Perez (Asturias). Txartel horia atera dio Madrazo (59. min.), Kijera (59. min.), Perez (71. min.) eta Riverori (84. min.) Real Unionen aldetik eta Ezkurdia (17. min.), Jimenez (17. min.), Alkain (83. min.) eta Pecharroman (86. min.) Sanseren aldetik. Olasagasti kanporatu bota du bi txartel hori atera eta gero (79. min. Eta 90. min.).
Bestelakorik: Bigarren B Mailako A Azpimultzoko 17. jardunaldia. Stadium Gal, ateak itxita.
Garaipen garrantzitsua gaur arratsaldean Real Unionek lortutakoa, aurkari zuzen baten kontra eta bigarren postuari eutsiz, txapelketa fase honetako hiru onenen arteko borroka horretan jarraitzeko. Lehenengo aukera garbia 7. minutuan etorri da Real Unionentzat, baina Ivan Perez luze jokatutako baloira ez da Fran Rivera iritsi. 17. minutuan etorri da Real Unionen lehenengo gola. Madrazori eginiko penaltia Galanek sartu du. 30. minutuan Navarrok izan du aukera Sanserentzat, baina gora joan zaio jaurtiketa. Horrela iritsi gara atsedenaldira.
Bigarren zatia hasi eta 48. minutuan etorri da Sanseren lehenengo aukera, Lobetek jaurti eta Irazustak gelditu du baloia. 57. minutuan beste aukera bat Sanserentzat. Dani Garridori baloia korner baten jaurtiketan etorri baina gora joan zaio. Pixkanaka-pixkanaka Sansek baloiaren jabe egin da eta Real Union okerrago pasatzen ari zenean etorri da Zulaikaren mutilen bigarren gola. Zourdine Thior-en jokaldia lasaitasuna ekarri du Galera. Baina ez du asko iraun, 71. minutuan Olasagastik Sanserentzat gola sartu eta urduritasuna bueltatu da. Hortik aurrera ez da asko jokatu. Jokoa eten egin da, falta eta txartel hori ugarirekin, baita bi taldeek egindako aldaketekin ere. 92. minutuan, neurketako eta agian jardunaldi honetako jokaldia etorri da. Viguerak baloia hartu eta 30 metrotik gola sartu du.
Bigarren jarraitzen du Real Unionek, 29 punturekin, eta Sanseri 4 puntu ateratzen dizkio. Gal bisitatuko duen hurrengo taldea gaur egun hirugarren sailkatua den Amorebieta izango da, datorren larunbatean (ETB1, 15:45tan).
