Hurrengo partida:

22/05/2022
| |
Extremadura UD - Real Unión Club

Garaipena urtea 29 punturekin ixteko

CF Talavera de la Reina: Sousa; Ruiz, Escalante, Bourdal (Edmilson, 62. min.), Choco (Monroy, 46. min.); Ortega, Vicente, Ceberio, Calvo (Díaz, 75. min.), Rodrigo (Martín, 62. min.); Perales (Fernández, 83. min.).

Real Unión Club: Irazusta; Santos, Pérez, Barbu, Elosegi; Beobide, Rivero (Ruiz, 90. min.), Llamas (Núñez, 72. min.), Seguín (Elizondo, 84. min.), Sánchez (Oyarzun, 84. min.); Temenuzhkov (Pradera, 72. min.).

Emaitza (1-3): 0-1, Sánchez (18. min.); 0-2, Llamas (50. min.); 0-3, Llamas (56. min.); 1-3, Perales (73. min.).

Epailea: Abraham Domínguez Cervantes (Andaluzia). Txartel horia atera dio Chocori (43. min.) eta Díazi (82. min.) CF Talavera de la Reinaren aldetik eta Barburi (24. min.) Real Uniónen aldetik. Víctor Cea CF Talavera de la Reinaren entrenatzaileari ere txartel horia atera dio (35. min.).

Bestelakorik: 1. RFEF Footters-ko I. Multzoko hamazazpigarren jardunaldia. El Prado, 2.000 jarraitzaile inguru.

Kolpea Real Uniónek gaurkoan mahai gainean eman duena, joan den asteburuan Stadium Galen galdu ondoren. Aitor Zulaikaren taldeak 1-3 irabazi dio Talavera de la Reinari El Pradon, eta 29 punturekin eta play-off postuetan bukatuko du urtea.

Partidako lehen abagune argia 11. minutuan iritsi da, Aitor Seguínek area kanpotik egindako falta jaurtiketa baten bitartez. Aldaratzea kanpora joan zaio Miguel Santosi. 18. minutuan, Real Uniónen lehen gola, Aitor Seguínek hegaletik egindako erdiraketa neurtua eta Nacho Sánchezek buruz aurretik jarri du Aitor Zulaikaren taldea. Víctor Ruizek 24. minutuan Irazusta ezustean harrapatzen saiatu da eskuin hegaletik egindako falta jaurtiketa zuzen batekin, baina eskoratuegi joan zaio. Víctor Cearen taldeak ere abagune argia izan du 32. minutuan. Toño Calvok kontrolatu du area barruan, baina ez du Irungo kapitainaren aurrean asmatu. Real Uniónek bat izan du oraindik atsedenaldira joan aurretik, Quique Riveroren falta jaurtiketa altuegi batekin.

Bigarren zatiaren hasiera ezin hobea izan da. Lehen gol aukera argian, Seguínek eskuin hegaletik ateratako kornerra eta Nacho Sánchezek ate barrura egindako lehen errematearen ondoren, baloia Llamasi iritsi zaio, eta honek buruz bigarrena egin du Real Uniónentzat. Eta etxeko taldeak erreakzionatzeko denborarik gabe, Nacho Sánchezen jokaldia 56. minutuan, Llamasek 0-3koa markagailuan jartzeko, bere kontuko bigarrena. Etxeko taldeak aldea murriztu du 73. minutuan Peralesen bitartez, baina ez da nahikoa izan. Gaurkoa Real Uniónek denboraldi honetan etxetik kanpo lortu duen seigarren garaipena izan da.

Parteka ezazu

Share on facebook
Share on twitter
Share on whatsapp

Zurekin hazten jarraitu nahi dugu...

ZU ERETXURIBELTZ

DENDA

Taldearen produktu guztiak prezio onenetan

NOBEDADEA

Lotutako albisteak

Real Unión izango da aste honetako Igandero ekitaldiko protagonista
Filiala mailaz jaitsi da, garaipena lortu arren
Play-offarekin amets egiten jarraitzeko garaipena