Real Union Clubek 3-1 irabazi dio gaur arratsaldean Bilbao Athletici Stadium Galen, talde irundarrari garaipenaren bidera itzultzeko balio izan dion partidan.
15. minutuan iritsi da txuribeltzen lehen gola. Finley Munroek erdiraketa bat jarri du ezker hegaletik, baina Bilbao Athletic-eko defentsak ez du urrundu eta Koldo Obietak, area barruan adi-adi, baloia atera bultzatu du Real Union aurretik jartzeko. Hamar minutu geroago, Bilbao Athleticek berdinketa lortu du Adrian Perezek area barrutik egindako erremateari esker. Hamar minutu geroago Irungo taldea aurretik jarri da berriro. Penaltiz egin du baloia Athletic-eko jokalari bati eskuan eman ondoren, eta Quique Riverok ezkerretik sartu du penaltia.
70. minutuan iritsi da arratsaldeko golik ikusgarriena. Finley Munroek baloia atetik 25 metrora jaso eta ezkerkada bat sartu du eskuadratik, 3-1ekoa jartzeko.
Garaipen honekin Real Union Clubek 20 puntu ditu eta hamabigarren postuan dago sailkapenean. Datorren astean O Carballiñora joango da Arenteiroren aurka jokatzeko.
REAL UNIÓN CLUB: James Wright; Sergio Santos (66’, Berto Cayarga), Iñaki Olaortua, Javi Domínguez, Yeimar Mosquera, Finley Munroe; Iker Bilbao (78’, Ander Vidorreta), Quique Rivero, Víctor San Bartolomé (66’ Aitor Aranzabe); Koldo Obieta, Sergio Benito (78’, Asier Benito).
BILBAO ATHLETIC: Mikel Santos; Johaneko Luis-Jean (46’, Xabier Irurita), Eneko Ebro, Aimar Duñobeitia, Eñaut Lete (46’, Eñaut Lete); Peio Canales, Eneko Aguilar, Beñat Gerenabarrena (79’, Javier Sola; Asier Hierro (70’, Ibai Sanz), Adrián Pérez (62’, Aingeru Olabarrieta), Ekain Azkune.
GOLAK: 1-0, Koldo Obieta (14’). 1-1, Adrián Pérez (25’). 2-1, Quique Rivero (p. 35’). 3-1, Finley Munroe (69’).
EPAILEA: Pablo Monterrubio Torres. Txartel horiak Real Unión Clubeko Víctor San Bartoloméri, Finley Munroeri, Alberto Cayargari eta Javi Domínguezi, eta Bilbao Athleticeko Eneko Ebrori.
OHARRAK: 1.697 ikusle Stadium Galen. Partidaren aurretik minutu bateko isilunea egin da Antonio Goyeneche Barrenechea Real Union Clubeko jokalari ohiaren omenez.
