Irundarren beste partida bikaina, goiko postuetan jarraitzeko.
Partida hasiera-hasieratik Mutilvera ausart eta erasokor agertu zen, txuribeltzen defentsan hutsuneak bilatzen, eta hamahirugarren minutuan baloia zutoinera bidali zuen. Real Unionek ondo erreakzionatu zuen eta kontraeraso bikain baten ostean, Tellecheak Iradiri pasea eman zion, honek Fraga mendean hartzeko. Taldeak presioarekin jarraitu zuen eta aukera bikoitza izan zuen, Iradiren eta Louakimaren bidez. Lehen zatiko azken minutuetan, Mutilverak berdinketaren bila gehiago estutu zuen, baina Landerren segurtasunari eta bisitarien punteria faltari esker, atsedenaldira txuribeltzen aldeko markagailuarekin iritsi zen partida.
Bigarren zatian, Unioia ausartago zelairatu zen eta bigarren golaren bila jo zuen, Sangalliren erdiraketa baten ondoren Gaubekak buruz egindako errematearekin iritsi zena. Handik gutxira, etxeko taldeak beste martxa bat sartu zuen: Unairen erdiraketa baten ondorengo aldaratzea Arrutik jaso zuen, hirugarrena sartzeko. Mutilverak, hala ere, ez zuen amore eman eta aldea murriztea lortu zuen, baina Unioiak sendo eutsi zion partidari eta hiru puntu oso baliotsuak bereganatu zituen.
Horrela, Unioiak lidertzan jarraitzen du 53 punturekin, eta hurrengo jardunaldian, martxoaren 8an, igandea, 18:00etan, SD Beasainen aurka jokatuko du.
UD MUTILVERA: Fraga; Goñi (Biesa, 70′); Grande; Teres; Goikoechea; Bujanda (Banzo, 86′); Roncal; Ardanaz (Roldan, 70′); Aranguren (Goñi, 70′); Yaniz (Arocena, 62′); Lizarraga.
REAL UNIÓN CLUB: Emery; Mateo; Gaubeka (Fernández, 79′); Arruti; Tellechea (Miguélez, 64′); Katsukunya; Carrillo; Iradi (Mustapha, 73′); Soroeta (Garcia, 64′); Louakima (Fontán 73′); Sangalli.
TXARTEL HORIAK: Yaniz (39′); Aranguren (59′); Goñi (91′); Iradi (35′); Louakima (50′); Gaubeka (75′).
GOLAK: Arocena (79′); Iradi (19′); Gaubeka (69′); Arruti (72′).
