Gorka Kijerak abenduaren 8an jokatu zuen CE Sabadellen aurka bere 100. partida ofiziala Real Uniónen lehen taldearekin. Guztira 98 partida jokatu ditu ligan, lehengo Bigarren B Mailaren eta egungo Lehen Federazioaren artean, eta Errege Kopako bi partida, 4 gol sartuta.
Kijerak Irunen egiten duen laugarren denboraldia da hau, 2012/13 denboraldian heldu ondoren. Debuta 2012ko irailaren 8an egin zuen, Mendizorrozan, Deportivo Alavésen aurka. Real Uniónek 3-0 galdu zuen. SD Eibarren eta ondoren CD Mirandésen aritu ondoren, 2020ko udan itzuli zen Irunera, eta gaur egun taldeko kapitainetako bat da.
