Capeletek eta Senarrek garaipena eman diote Real Unioni Taxoaren.
Osasuna Promesas: Martinez; Endika, Liza, Herrando, Benito (Jonatan, 59. min.); Ibañez (Kevin, 75. min.), Hualde (Velikic, 68. min.), Joel (Alvaro, 75. min.), Cordoba, Aimar; Ibaider (Huarte, 75. min.).
Real Unión Club: Irazustabarrena; Elosegi, Perez, Azkoiti, Kijera; Senar, Capelete (Donoso, 68. min.), Rivera (Llamas, 59. min.), Rivero, Thior (Ariztimuño, 83. min.), Viguera (Galan, 68. min.).
Emaitza (0-2): 0-1, Capelete (36. min.); Senar (73. min.).
Epailea: Leandro Carbajales Gomez (Asturias). Txartel horia atera dio Lizari (83. min.) Osasuna Promesases aldetik eta Senar (70. min.), Elosegi (78. min.), Thior (82. min.) eta Riverori (85. min.) Real Unionen aldetik.
Bestelakorik: Bigarren B Mailako II Multzoko D Azpimultzoko 2. jardunaldia. Taxoare.
1. RFEF mailara igotzeko helburutik gertuago dago Real Union gaur Taxoaren garaipena lortu ondoren. Lehenengo zatia irundarrentzat izan da gaur, bigarrenean ordea Osasuna Promesasek izan ditu aukerarik onenak. Neurketako lehenengo aukera garbia Joelek izan du 27. minutuan Osasuna Promesasentzat. Baloia Real Unionen arean hartu, buelta eman eta bere jaurtiketa ondo harrapatu du Irazustak. 32. minutuan Joelek izan du berriro ere etxeko taldea aurretik jartzeko aukera. Osasuna Promesasen jokaldia ezker hegaletik, erdiratu, baina aurrelariak ez du asmatu eta gora joan zaio. Hurrengo jokaldian etorri da Real Unionen lehenengo gola. Thiorren jokaldia ezker hegaletik, bere erdiraketa Capeletek hartu eta barrura bidali du baloia. Eta lehenengo zatia bukatu baino lehen, 40. minutuan, beste aukera bat Real Unionentzat Riveraren hanketan, baina areaz kanpotik egindako jaurtiketa gora joan zaio.
Saiatu dira etxekoak bigarren zatian banakoarena egiten, baina sendo ibili da talde irundarra atzean eta 73. minutuan bigarrena egitea lortu du Senarren bidez, areaz kanpotik egindako jaurtiketa bati ezker. Hortik aurrera gutxiago jokatu da, aldaketak etorri dira eta jokua moteldu egin da. 83. minutuan Iñigo Ariztimuñok debuta egin du lehen taldearekin. Gaurko garaipenarekin 39 puntu ditu Real Unionek. Datorren igandean CD Ebro hartuko du Irunen.
