Fran Justo Real Unióneko entrenatzaileak agerraldia egin du gaur goizean Stadium Galeko prentsa aretoan, taldeak igandean SD Ponferradina taldearen aurka jokatuko duen partidaren atarian.
Entrenatzaileak onartu duenez, “aste luzeagoa izaten ari da, joan den asteburuan larunbatean jokatu genuelako eta orain igandean. Ondo prestatu gara”.
“Oso talde gutxik ez dute ezer jokoan denboraldiaren momentu honetan. Bakoitza bere helburuekin. Horrek oso ondo hitz egiten du kategoriaz, dagoen berdintasunaz. Guk asko daukagu jokoan. Eta haiek ere bai. Baina gainerako aurkariekin gertatuko zaigun bezala”, adierazi du Justok kazetarien galderei erantzunez.
“Futbol profesionalean urte asko eman dituen taldea da. Helburua futbol profesionalera lehenbailehen itzultzea da. Baina gu ere gauzak ondo egiteko gai gara. Badakigu talde gogorra izango dela. Gure aukerak izango ditugu. Hiru etapa geratzen dira. Goazen lehenengoaren bila”, amaitu du.
Lehen Federazioko 1. Multzoko 36. jardunaldiko partida igandean jokatuko da, El Toralínen, 12:00etatik aurrera.
