Real Union Rocak 2-3 irabazi dio gaur arratsaldean Oñatin Aloña Mendiri, talde txuribeltzaren hirugarren garaipena jarraian lortuz.
Laster aurreratu da Real Union Roca. Seigarren minutuan egin du, Brice Ghusseinek sartutako golari esker, eta Mikel Martinek aldea handitu du sei minutu geroago. Bigarren zatiaren hasieran etxeko taldea suspertu da, eta partida berdintzea lortu du. Larreak 1-2koa sartu du 50. minutuan, eta bi minutu geroago Zelaiak partida berdintzea lortu du. Baina behera etorri beharrean, Roca suspertu egin da eta amaierarako lau minuturen faltan Brice Ghusseinek bere bigarren gola sartu du Carlos Garciaren taldeari garaipena emateko.
Garaipen honekin, Real Union Rocak bost jardunaldi jarraian darama porrota ezagutu gabe, eta zazpigarren postuan dago hamazazpi punturekin. Datorren asteburuan Beti Gazte hartuko du Stadium Galen.
ALOÑA MENDI: Jon Irazabal; Jon Etxeberria (46′, Julen Zelaia), Jon Guridi, Hasier Arregi (90′, Mikel Madina), Iñaki Alonso, Joseba Larrea, Auritz Larrea (70′, Oier Guerreiro), Iñigo Guridi (70′, Ander Bikuña), Imanol Pérez, Aimar Anduaga (70′, Ander Irizar), Jokin Madina.
REAL UNIÓN ROCA: Odei Rodríguez; Axel Arrikarte (70′, Beñat Palenzuela), Peru Martínez Barranco, Manuel Pinillos, Jon Ortiz, Brice Ghussein (90′, Aimar Urtizberea), Diego Letamendia, Ander Fernández, Mikel Martin (90′, Rayco Hidalgo), Asier Unsain (80′, Markel Mancisidor), Unai Arteaga.
GOLAK: 0-1, Brice Ghussein (6′). 0-2, Mikel Martin (12′). 1-2, Joseba Larrea (50′). 2-2, Julen Zelaia (52′). 2-3, Brice Ghussein (86′).
TXARTELAK: Txartel horiak Aimar Anduagari (55′) eta Iñaki Alonsori (75′) Aloña Mendin eta Carlos Garcíari (ent, 72′) Real Unión Rocan.
