Real Uniónen garai guztietako ia ehun beteranok hitzordua hartu dute larunbat honetan, martxoak 11, urteroko bileraren 44. edizioa egiteko.
Tradizioaren arabera, San José Langilearen parrokian azken urte honetan hildako lagunen omenez eman den mezarekin hasi da eguna.
Jarraian, Beteranoen Elkartearen Ohiko Batzar Orokorra egin da. Bertan, gai-zerrendako puntu guztiak aho batez onartu dira.
Azkenik, eguna amaitzeko, bazkaria egin da, aurten ere Iñigo Lavado jatetxean, Irungo alkate José Antono Santano eta Real Unióneko presidente Igor Emery bertan zirela, besteak beste. Biek nabarmendu dute Beteranoen Elkartea egiten ari den lana, Víctor Zabaloren lekukoa jaso eta 2017an formalki eratu zenetik. Bestalde, elkarteko presidente José Antonio Legorburuk eskerrak eman dizkie klubari eta Udalari, emandako etengabeko babesagatik, eta pozik agertu da bilerak aurten izan duen harrera bikainagatik.
Postretan, 1984tik Kurpil Kirolak-eko presidente Juan José Aldakori omenaldi bat egin zaio, “bere giza balioen errekonozimendu gisa eta borroka eta konstantzia espiritu goraipagarri gisa”, “Víctor Zabalo” I. Saria jaso duena.
Eta horrela, familia argazkia eta ondorengo bazkalondoarekin, amaitu da aurtengo bilera, berriro ere familia unionista osoaren giro ona eta senidetasuna nagusi izanik.
