Datorren igandean, uztailaren 31n, San Inazio egunean, hildakoen aldeko meza egingo da 10:30etatik aurrera Junkaleko Andre Mariaren elizan. Ondoren taldea Guarnizora joango da Real Madrid Castillaren aurka jokatzeko, Cultural Deportiva Guarnizok gonbidatuta, Kantabriako klubaren mendeurrena ospatzeko ekitaldien baitan. Partida 19:00etan hasiko da.
Real Unión klubeko talde guztien aurkezpena ixteko lanean ari da, pandemiaren aurreko formatua berreskuratuz, eta efemeride hori dela eta, oraingo honetan ez da San Inazio egunean bertan egingo.
Asteburu honetakoa aurredenboraldiko bigarren lagunartekoa izango da, joan den larunbatean Bordeleko FC Girondinsen aurka jokatutako partidaren ondoren. Programatutako gainerako partidak honako hauek dira:
Abuztuak 6 (Stadium Gal, Irun): Real Unión Club – Real Sociedad “B” (11:30ean)
Abuztuaren 10a (Mendibeltz, Orio): Real Unión Club – SD Beasain (baieztatzeke)
Abuztuaren 13a (Zubieta, Donostia): Real Sociedad “C” – Real Unión Club (baieztatzeke)
Abuztuaren 19-20 (Cerro del Espino, Majadahonda): Hirugarren Kategoria Nazionaleko Kluben Elkarteko kluben txapelketa
