Real Unión Club: Irazusta; Aramburu, Pérez, Espigares, Kijera; Montoro, Rivero, Agirre (Jon Ander, 77. min.), Núñez (Luque, 84. min.), Sánchez; Gagua (Parada, 77. min.).
SD Logroñés: Azón; Mujika (Monroy, 64. min.), César, Sarriegi (Ribeiro, 64. min.), Ruiz; Esteban (Sota, 76. min.), Samanes, Martínez, Paredes (Silvente, 81. min.), Barry (Lozano, 46. min.); Unzueta.
Emaitza (1-1): 1-0, Sánchez (50. min.); 1-1, Silvente (88. min.).
Epailea: Jaime Ruiz Álvarez. Txartel horia atera die Montorori (60. min.), Riverori (81. min.), Núñezi (83. min.), Irazustari (86. min.) eta Paradari (92. min.) Real Uniónen eta Ruizi (83. min.) SD Logroñésen.
Bestelakorik: Lehen Federazioko 2. Multzoko ligako 11. jardunaldia. Stadium Gal. 1.000 ikusle inguru.
Real Uniónek eta SD Logroñések berdindu egin dute gaur eguerdian Stadium Galen. Aitor Zulaikaren taldeari garaipenak ihes egin dio azken minutuetan. Chema Núñez izan da saiatzen lehena. Partidaren 5. minutua zen. Eskuin hegaletik itxitako erdiraketak ez du errematatzailerik aurkitu eta Azónen eskuetan amaitu du. Hurrengo jokaldi arriskutsua, irundarrentzat ere bai, kasu honetan Kijeraren erdiraketa eta Gaguak errematea egin du buruz, baina ez du aterik aurkitu. SD Logroñésen erantzuna hurrengo jokaldian etorri da eta lehen zatiko erantzun argiena izan da. Unzueta bakarrik jarri da Irazustaren ate aurrean baina bere errematea kornerrera desbideratu du Real Unióneko kapitainak gelditu eder batekin. Irundarrak 30. minutuan aurreratu ahal izan dira, Kijeraren baloi sakon bati esker, Gaguak jaso du baloia, baina Georgiako aurrelariaren jaurtiketa gora joan da.
Bigarren zatia hasi eta berehala, Real Uniónen lehen aukeran, irundarren gola iritsi da, Nacho Sánchezek egindakoa, area ertzetik egindako jaurtiketa gurutzatu batekin. 50. minutua zen. Aitor Zulaikaren koadroak bigarrena izateko aukera izan du handik gutxira, Kijeraren urruneko jaurtiketa batekin, Azónen eskuadratik sartzeko zorian egon dena. Bisitarien aldetik, Unzuetak jarraitzen zuen arriskua eramaten, eta 68. minutuan berriro saiatu da atzetik iristen. Bere tiroak ez du atezainik aurkitu. Irazusta gainditzeko zorian egon dena Monroy izan da hurrengo jokaldian, area barruan baloi bat lotu eta etxeko atezainak ondo hartu duena. Eta hiru puntuak Stadium Galen geratuko zirela zirudienean, bisitarien gola iritsi da, Silventek buruz egindako erremate batekin, berdegunera atera berria zena, Irungo zaletuak isilaraziz.
