David Movilla Real Unióneko entrenatzaileak agerraldia egin du ostiral honetan Stadium Galeko prentsa aretoan, lehen taldeak larunbat honetan Calahorraren aurka jokatuko duen partidaren atarian.
Taldeak bizi duen momentuari buruz, entrenatzaileak honakoa esan du: “joan den astean esan nuen entrenamenduko asterik onenetakoa izan zela hemen gaudenetik, eta aste hau hobea izan da. Orain, eguneroko errendimendu hori lehiaketara eramatea da kontua. Ikusten duguna da taldea hazten ari dela. Orain hau lehiaketara eraman behar dugu”.
Aurkariari buruz galdetuta, Movillak esan du “entrenatzailea aldatu duen taldea” dela. “Hobeto lehiatzen dira, oso ondo indartu dira, zentzu oneko fitxaketak egin dituzte. Eta Carlosek, entrenatzaileak, lehiakortasun maila handiagoa eman die. Uste dut bigarren itzulian beste lehiaketa bat hasten dela. Taldeak indartu egin dira, ez bakarrik Calahorra, Sabadell, Intercity eta Atlético Baleares ere, adibidez. Plantillak aldatu egin dira eta kasu honetan Calahorra talde lehiakorra da”.
Real Unióneko entrenatzaileak baieztatu duenez, “Nachok gripe-prozesua izan zuen, baina taldearekin dago, Iván kotoi artean, Chema, Kijera, Beobide eta Joel baja dira oraindik. Jokalariren bat minduta dago, baina biharko saioan ikusiko dugu nola dauden”.
Lehen Federazioko 2. Multzoko 24. jardunaldiko partida 17:00etatik aurrera jokatuko da, larunbatean, Stadium Galen.
