“Irabazteko prest iristen gara”

Fran Justo Real Unióneko entrenatzaileak agerraldia egin du gaur goizean Stadium Galeko prentsa aretoan, igande honetan irundarrek CE Sabadell FC taldearen aurka jokatuko duten partidaren atarian.

“Egia da oso talde ona datorrela, baina denboraldian zehar igandero ikusiko dugun gauza bat dela uste dut. Partida hau prestazeko normalean baino denbora gehiago duzula iruditzen zaizu, bertan pentsatzeko eta prestatzeko, egutegia ateratzen denetik jokatzen den arte aste asko baitituzu aurretik. Sasoi honetarako baldintza onetan iritsiko gara eta aurredenboraldian taldeak transmititu dizkigun sentsazio horiek guztiak igandean berdegunean agertzea espero dut, lehen garaipena lortzeko partida on bat egin ahal izateko”, esan du entrenatzaile galiziarrak.

Kazetarien galderei erantzunez, Justok aitortu duenez, “eraikitzen ari den talde bat gara, talde tekniko ia berria duena eta ia % 50 berria duen plantilla duena. Lehiaketa hasi da eta maila gorena eman behar da. Igandean partida oso bat egiten saiatuko gara”, eta Real Uniónek talde lehiakorra izango dela adieraztea nahi duela gaineratu du. “Igandetik igandera. Berriro diot, ea partida oso bat egin eta irabaztea lortzen dugun, hau da, denok nahi duguna, gaueko hamarrak eta laurden aldera oihu bat egitea eta lehen hiru puntuak hemen daudela jakitea”.

“Lana eskainiko dugu, Real Unión konprometitua nahi dugu, sentimendu kolektibo garrantzitsua duena… balio horiei buruz eraikitzen joan beharko dugu. Asko ikusten hasi garela uste dut, baina oraindik egosten ari den talde bat gara eta prozesua behar dugu eboluzionatzen joateko eta hau guztia ikusteko”, adierazi du Justok. “Egongo garenekin ahalik eta hamaikako lehiakorrena aterako dugu. Asteak aurrera joan ahala, gauza batzuengatik edo besteengatik ez dauden futbolari horiek berreskuratuko ditugu”.

Galiziako entrenatzaileak argi dauka. “Irabazteko prest iristen gara. Ez zaizkit aitzakiak gustatzen. Horretan jarri behar dugu arreta, ez ez daudenetan”.

Lehen Federazioko 1. Multzoko lehen jardunaldiko partida igande honetan jokatuko da, Stadium Galen, 20:30etik aurrera.