Real Uniónek 0-2 irabazi dio SD Logroñési Las Gaunasen eta 20 punturekin kokatzen da.
SD Logroñés: Lario; Cubero, Llácer (Paredes, 76. min.), Caneda, Ozerinjauregi; Lozano, Esteban (Pascual, 64. min.), Sandoval (El Haddadi, 76. min.), Albisua (Arnedo, 43. min.), Calderón; Pérez (Soberón, 64. min.).
Real Unión Club: Irazusta; Santos (Elosegi, 72. min.), Senar, Barbu, Kijera; Beobide, Seguín (Ruiz, 83. min.), Sánchez (Temenuzhkov, 83. min.), Rivero, Núñez (Llamas, 72. min.); Pradera (Oyarzun, 72. min.).
Emaitza (0-2): 0-1, Pradera (59. min.); 0-2, Temenuzhkov (93. min.).
Epailea: David López Parra (Kantabria). Txartel horia atera dio Sandovali (33. min.), Canedari (55. min.) eta Cuberori (90. min.) SD Logroñésen aldetik eta Kijerari (67. min.), Beobideri (73. min.) eta Senarri (80. min.) Real Uniónen aldetik.
Bestelakorik: 1. RFEF Footters-ko I. Multzoko hamairugarren jardunaldia. Las Gaunas, 1.000 jarraitzaile inguru.
Urrezko hiru puntu lortu ditu Real Uniónek Las Gaunasen, SD Logroñesi 0-2 irabazita, unionistek luzapenera arte errematatu ez duten partida batean. Partidako lehen abagunea Seguínen jaurtiketa batekin iritsi da, Chema Núñezek eskuin hegaletik sartu ondoren, baina kanpora joan zaio jaurtiketa. Etxeko taldearen erreplika Ozerinjauregik buruz egindako erremate batekin iritsi da, Irazustak ondo gelditu duena, korner baten irteeran. SD Logroñésen abagune argiena atsedenaldia baino lehen iritsi da, Sandovalen erremate altu batek Real Unión ezustean harrapatzeko zorian egon da.
Aitor Zulaikaren taldeak aurrea hartu du 59. minutuan. Chema Núñezen jokaldia, ireki eskuin hegalean Seguíni eta eibartarraren erdiraketa Praderak sare barrura bidali du. Hamar minutu beranduago Nacho Sánchezek beste aukera bat izan du partida ixteko. Baina luzapenera arte ez du Real Uniónek arnasa hartu. Hegaleko sake batean ezustean harrapatu du Kun Temenuzhkovek SD Logroñés eta gola egin du Aitor Zulaikaren taldearen denboraldi honetako laugarren garaipena ziurtatzeko.
Hiru puntu hauekin Real Uniónek 20 puntu ditu sailkapenean. Hurrengo jardunaldian Zamora CF hartuko du Stadium Galen, azaroaren 27an, larunbatean, 19:00etatik aurrera.
