Real Uniónek eta Lomeñak akordioa lortu dute eta, horren arabera, Irungo enpresak taldea babestuko du datorren urtean. Iparralde Hiribidean du egoitza Lomeñak, eta fatxadak zaharberritzen, barrualdeak margotzen eta etxebizitzak isolatzen espezializatuta dago.
“Merkatuko teknika eta produktu onenak erabiltzen ohitutako profesional-talde bat dugu, gure bezeroen gogobetetasuna bermatu nahian”, adierazi du Gorka Lomeña enpresako arduradunak. Gainera, “bizilagunak gara. Stadium Galetik gertu gaude. Klubean gertatzen ari den aldaketa ikusten ari gara eta lagundu egin nahi dugu”.
“Askotan, ez dugu kanpora begiratu behar profesionaltasunetik eta egiten duzun lanerako grinatik hazteko moduaren adibideak aurkitzeko. Kasu honetan, adibide bat dugu Stadium Galetik metro gutxira. Partida egun batean Iparralde Hiribidetik Galera iristean Lomeñako fatxada margotua ikustea familiarra den zerbait bihurtu da gure zaletuentzat. Orain, hazten laguntzeko ere badatoz, eta eskerrak eman nahi dizkiegu”, adierazi du Igor Emery Real Unióneko Administrazio Kontseiluko presidenteak.
Lomeñaren historia
1999an Iñigo eta Gorka anaiak margolari lanetan hasi ziren Paco Lomeña aitaren eskutik. 8 urte geroago, pinturaz maiteminduta, pintoreen bigarren belaunaldiak Lomeña sortu zuten.
Irunen du egoitza, 20 urteko esperientzia du sektorean, eta Iparraldean eta Gipuzkoan egiten ditu obrak.
Bere filosofiaren oinarria ofizialen eta teknikarien lan profesionala da, iraunkortasun handiko zaharberritzeak eginez, eta horrek eraikinak epe luzera mantentzeko gastu txikiagoa eraginez.
