Real Unionek eta Luca Sangallik (Donostia, 1995) akordioa sinatu dute denboraldi amaierara arteko kontratua egiteko, beste urte bateko aukerarekin.
Sangalli Real Sociedadeko harrobian hezi zen osotasunean, eta kategoria guztietan nabarmendu zen. 2018an lehen mailan debutatu zuen talde txuri-urdinarekin, eta urte berean lehendabiziko gola sartu zuen San Mamesen, Athletic Cluben aurka. Ordutik aurrera lehen taldeko dinamikaren parte izan zen eta 2020ko Errege Kopako txapeldun izan zen. Gainera, 2021/2022 denboraldian bigarren mailan jokatu zuen Realaren filialarekin.
2022/2023 denboraldian, Sangalli FC Cartagenara joan zen, eta rol garrantzitsua izan zuen. Ondorengo bi denboraldietan Málaga CF bezalako klub historiko batean aritu zen, eta bertatik dator. Talde andaluziarrarekin Bigarren Mailara igotzea lortu zuen, eta kategoria horretan partida batzuk jokatu zituen.
Erdilari polibalentea da, zelaiaren hainbat altueratan jokatzeko gaitasuna duena. Banaketan kalitatea erakusten du, eta bigarren lerrotik iritsi eta amaitzeko ahalmenagatik nabarmentzen da.
Klubetik ongietorria ematen diogu eta zorterik onena opa diogu etapa berri honetan txuribeltz gisa.
Ongi etorri, Luca!
