Real Union Clubek 3 – 1 galdu du gaur arratsaldean C.D. Lugoren aurka Anxo Carron, markagailuan aurreratzea lortu duen partidan, baina ez du abantaila mantentzea lortu.
Real Unionek aurrea hartu du Sergio Benitok 23. minutuan sartutako golari esker. Victor San Bartolomek ezkerrera ireki du, Finley Munroek erdiraketa bikaina egin du, eta Sergio Benitok arratsaldeko lehen gola eskuratu du. Hamar minutu beranduago etxeko taldeak berdinketaren gola lortu du Marcos Sanchezen gol ikusgarri bati esker. Atsedenaldiaren atarian Lugok markagailuari buelta eman dio. Jon Cabok korner itxi bat atera du, baloia zutoinean eman du eta Iñaki Olaortuarengan errebotatu du, eta zoritxarrez baloia atean sartu da. Bigarren zatian, 52. minutuan, Erik Ruizek Lugoren hirugarren gola sartu du eskuin hegaletik egindako erdiraketa bat errematatuz.
Porrot honekin, Real Union hamaseigarren da sailkapenean 17 punturekin. Hurrengo astean talde txuribeltzek Athletic Club “B” hartuko du Stadium Galen.
C.D. LUGO: Marcos Lavín; Marcos Sánchez (60’, Guille Perero), Juan Rodríguez, Erik Ruiz, Ander Zoilo; Yayo González, Alberto Vaquero, Jorge González (60’, Nathaniel Nicholas), Jon Cabo (82’, Jaume Cuéllar); Raúl Hernández (38’, Jon Ceberio), Bryan Mendoza (82’, Martín Ochoa).
REAL UNIÓN CLUB: James Wright; Víctor Eimil (62’, Asier Benito), Javi Domínguez (56’, Alberto Cayarga), Iñaki Olaortua, Alberto Quintana, Finley Munroe (67’, Joseca Márquez); Quique Rivero, Iker Bilbao (46’, Sergio Santos), Víctor San Bartolomé; Sergio Benito, Koldo Obieta (62’, Dani Garrido).
GOLAK: 0-1, Sergio Benito (24’). 1-1, Marcos Sánchez (33’). 2-1, Iñaki Olaortua (b.a. 45+1’). 3-1, Erik Ruiz (53’).
EPAILEA: Manuel Pozueta Rodríguez. Txartel horiak CD Lugoko Jorge González, Bryan Mendoza, Jon Cabo, Juan Rodríguez, Yayo González, Nathaniel Nicolas eta Jon Ceberiori, eta Real Union Clubeko Víctor Eimil, Javi Domínguez eta Víctor San Bartoloméri.
