Guztira 120.000 akzio berri aterako dira, indarrean daudenen eskubide eta betebehar berdinekin, 10 euroko prezioarekin.
Real Uniónek uztailaren 21eko Ez-ohiko Batzar Orokorrean onartutako 1,2 milioiko kapital-gehikuntza martxan dela ezagutzera ematen du, Merkataritzako Erregistroaren Aldizkari Ofizialean iragarkia argitaratu ondoren. Guztira 120.000 akzio berri aterako dira, indarrean daudenen eskubide eta betebehar berdinekin, 10 euroko prezioarekin.
Harpidetza-eskubidean akzionistek izango dute lehentasuna. Hiru akzioekiko beste bi akzio berri izenpetu ahalko dituzte. Harpidetzarako lehentasun hau irailaren 13a arte luzatuko da hasierako epe batean.
Epe honetan bere eskubidea gauzatzen duten akzionistek, harpidetzerako momentuan, BBVAko IBAN ES71 0182 3160 1902 0163 0723 kontu korrontean akzioen prezioaren %50a ordaindu beharko dute. Gainerakoa bi epetan ordaindu beharko da: %25a Merkataritzako Erregistroaren Aldizkari Ofizialean iragarki hau argitaratu eta urte batera, eta falta den %25a iragarkia argitaratu eta bi urtera.
Hasierako epe hau igaro ondoren kapital-gehikuntza ezin izango balitz lortu, bigarren epe bat irekiko litzateke parte hartu duten akzionistek, hamabost eguneko epean, hasiera batean ez harpidetutako akzioak eskuratzeko aukera izan dezaten, eta akzio berriak eskuratzeko akzionistak egotekotan, sozietatean dituzten proportzioan esleituko lirateke.
Hirugarren epe batean Administrazio Kontseiluak ahalmena izango du falta diren akzioak libreki nola esleitu eta ordaindu erabakitzeko. Nolanahi ere, kapital-gehikuntza osatugabe gelditzea ez da espero, Emery familia ez harpidetutako kapitalarekin egiteko asmoa duela jakinarazi duelako.
