Nacho Sánchezek eta Fede Andradak ez dute Real Uniónen jarraituko datorren denboraldian, bide profesional berriei ekingo baitiete.
Ignacio Agustín Sánchez Romo (Las Palmas de Gran Canaria, 1993) UD Logroñés eta CD Numanciako harrobietatik igaro zen, ondoren SD Almazanen jokatzeko. CD Numanciara itzuli eta bertan 5 denboraldi eman ondoren, Marbella FC taldeak fitxatu zuen, 2021eko ekainean Irunera iritsi aurretik. Azken denboraldi honetan 43 partida jokatu ditu guztira (37 Lehen Federazioko II. Multzokoak, bi Errege Kopakoak eta lau RFEF Kopakoak), eta guztira 16 gol sartu ditu (13 ligan, bi Errege Kopan eta bat RFEF Kopan).
Federico Óscar Andrada (Buenos Aires, Argentina, 1994) martxoan iritsi zen Irunera, bere ibilbide profesionalean zehar talde hauetan jokatu ondoren: CA River Plate, FC Metz (utzita), CA River Plate, Atlético Rafaela (utzita), CA River Plate, Quilmes AC (utzita), CA River Plate, CA Vélez Sarsfield (utzita), CA River Plate, SSC Bari, Club Atlético Unión, CA Aldosivi, Club Atlético Tucumán eta Club de Deportes La Serena. Argentinako selekzioarekin 2009ko 15 urtez azpiko Hegoamerikarra jokatu zuen Bolivian eta 2011ko 17 urtez azpiko Hegoamerikarra Ekuadorren. 20 urtez azpiko selekzioan ere jokatu zuen. Real Uniónekin 10 partida jokatu ditu guztira, azken jardunaldian CF La Nucíaren aurka gol bat sartuz.
Real Uniónek bere profesionaltasuna eskertu eta etorkizunean zorte ona opa nahi die.
