Real Unioneko entrenatzailea gaur goizean agertu da Stadium Galeko prentsa aretoan, Rayo Majadahonda taldearen aurkako partidaren atarikoan.
Aitor Zulaika Real Unioneko entrenatzaileak agerraldia egin du gaur goizean Stadium Galeko prentsa aretoan, lehen taldeak datorren igandean Cerro del Espino futbol zelaian Rayo Majadahonda taldearen aurka jokatuko duen partidaren atarian.
Zulaikak adierazi duenez, Rayo Majadahonda “goian egotera deitutako taldeetako bat da, presioan oldarkorra, korrika asko eta ondo egiten duena, erasorako estrategian oldarkorra, defentsan indartsua”. Entrenatzaile azpeitiarrak aitortu duenez, talde madrildarra “maila handiko taldea da. SD Logroñési sartzen dioten gola edo CD Calahorrari sartzen dioten lehena ikusten badugu… ofizio handiko taldea dela ikusiko dugu, baliabide asko eta jokalari oso onak dituena”.
Partidaren gakoa, Real Unióneko entrenatzailearentzat, “egiten ari garen gauzak egiten jarraitzea izango da, asko eta onak baitira, penalizatzen ari zaizkigun eta golak ekarri dizkiguten akatsak zuzentzen saiatuz”. Kazetariek taldeak daramatzan hiru porroten inguruan galdetuta, Zulaikak esan du “lehengoan esan nuen bezala, bidea sinestea, irautea eta hobetzea dela. Eta hobetzeko, asko eta ondo lan egitea beste biderik ez dago”. Entrenatzaile azpeitiarrak adierazi duenez, “dena ez da gure demeritua, aurkariak ere merituak egiten ditu zuri golak sartu eta partida irabazteko. Xehetasun txikiak dira. Beste taldeko 9a hiru jokalariez joaten bada… zer egingo duzu?”.
Lehen multzoko 6. jardunaldiko partida igandean jokatuko da, Cerro del Espino futbol zelaian, 12:00etatik aurrera.
