Real Unión Roca: Flores, Sagredo, Arteaga (Sánchez, 46. min.), Olaciregui, Cabo; Gordo, Corvo (Arzuaga, 77. min.), Ollo (Letamendia, 60. min.), Rodríguez (Fernández, 75. min.), Herrero; Palenzuela (Chacón, 75. min.).
Axular KKE: Arrieta; Baena, De la Herrán, Azurmendi, Gómez (Ibarra, 33. min.); Irurozki (Mendiluce, 50. min.), Aguirre, Echarri, Fachado (Lizarraga, 57. min.), Gutiérrez; Insausti (Monreal, 53. min.).
Emaitza (4-0): 1-0, Arteaga (12. min.); 2-0, Ollo (15. min.); 3-0, Palenzuela (67. min.); 4-0, Cabo (87. min.).
Epailea: Asier Lapazaran de la Hoz. Txartel horia atera die Arteagari (39. min.) eta Sánchezi (80. min.) Real Unión Roca taldean eta Aguirreri (32. min.) Axular KKE taldean. Txartel horia atera dio ere Igor Carballo Axular KKE taldeko entrenatzaileari (67. min.).
Bestelakorik: Erregional Gorengoen Mailako 28. jardunaldia. Galeko anexoa. 300 ikusle inguru.
Real Unión Roca matematikoki Ohorezko Erregional Mailako taldea da gaur arratsaldean Axular KKE 4-0 jipoitu ostean. Carlos Garcíaren taldea nagusi izan da 90 minutuetan zehar eta aurreko denboraldian galdutako maila berreskuratu du. Irundarrak oso indartsu atera dira eta lehenengo minutuetan markagailua ireki dute. 12. minutuan egin dute hain zuzen ere. Kornerra Cabok posizio behartuan errematatu du eta errebotea Arteagak sare barrura bidali du. Handik hiru minutura, irundarren bigarren gola. Olloren jokaldi pertsonala, abiaduran joan da eta jaurtiketa gurutzatuz gainditu du bisitarien atezaina.
Bigarren zatiaren hasieran, joera bera, Real Unión Roca nagusi eta aukerak sortzen. Hirugarrena 67. minutuan iritsi da, Palenzuelaren txilena ikusgarri batekin. Eta laugarrena eta behin betikoa, 85. minutuan, Cabok errematatutako korner batean.
Liga amaitzeko bi jardunaldi falta direnean, Carlos Garcíaren taldeak zenbaki ikusgarriak sinatzen hari da. 28 jardunalditan, irundarrek 21 garaipen, 5 berdinketa eta 2 porrot besterik ez dituzte, 68 gol alde eta 14 kontra.
