Hurrengo partida:

22/05/2022
| |
Extremadura UD - Real Unión Club

“Pertsona konformistak ez zaizkit gustatzen, talde konformistak gutxiago eta jarrera konformistak are gutxiago”

Real Unióneko entrenatzailea gaur goizean agertu da Stadium Galeko prentsa aretoan, Racing Club de Ferrol taldearen aurkako partidaren atarikoan.

Aitor Zulaika Real Unióneko entrenatzaileak agerraldia egin du gaur goizean Stadium Galeko prentsa aretoan, lehen taldeak larunbat honetan Stadium Galen Racing Club de Ferrol taldearen aurka jokatuko duen partidaren atarian.

Azpeitiko teknikariari galdetu dioten lehenengo gauza zelaiaren egoeraz izan da, azken egunetako euriteen ondoren. “Ondo egongo dela espero dut, baina egia da zelaiaren eta denboraren ziurgabetasun horrekin ari garela. Zorionez, Galek drainatze ona du. Euria egiteari uzten badio zelaia ondo egongo da”, adierazi du Zulaikak.

Ligako azken garaipenei buruz galdetuta, Real Unióneko entrenatzaileak esan du “garaipen baten ondorengo moral altuak hurrengo entrenamendura arte balio” duela. “Ez diogu aurre egingo partidari, ez erlaxazioarekin, ez lasaitasunarekin… 26 puntu ditugu, horiek ez dizkigu inork kenduko. Baina partidara joan behar dugu aste honetako lana hiru entrenamendu eta biharko neurketa izango direla jakinda, hiru puntuak ateratzeko helburuarekin”. Zulaikak adierazi duenez, “pertsona konformistak ez zaizkit gustatzen, talde konformistak gutxiago eta jarrera konformistak are gutxiago”.

Taldearen egungo egoerari buruz, igotzeko play-off postuetan eta horri ematen dion balioari buruz, Zulaikak adierazi duenez, “egia esaten badizut ia bat ere ez, benetan diotsut. Eguneroko lanean buru-belarri ari gara. Horrela gaude uztailaren 10ean denboraldi-aurrea hasi genuenetik, eta horrela jarraitzen dugu. Hau edo bestea eginez gero, zer gertatzen den asmatzen aritzeak ez du ezertarako balio. Egunez egun joan behar da”.

Racing Club de Ferrol taldeari buruz galdetuta, entrenatzaile azpeitiarrak esan duenez, “talde handi baten aurka jokatzen dugu, hamaikakoa buruz dakit, hori da seinalerik onena. Talde bikaina. Deportivori edo Albaceteri aurre egin dio. Jokalari oso kontrastatuak ditu, oso ondo landuak eta ideiak oso argi dituztenak”.

Lehen multzoko 16. jardunaldiko partida larunbatean jokatuko da, Stadium Galen, 17:00etatik aurrera.

Parteka ezazu

Share on facebook
Share on twitter
Share on whatsapp

Zurekin hazten jarraitu nahi dugu...

ZU ERETXURIBELTZ

DENDA

Taldearen produktu guztiak prezio onenetan

NOBEDADEA

Lotutako albisteak

Real Unión izango da aste honetako Igandero ekitaldiko protagonista
Filiala mailaz jaitsi da, garaipena lortu arren
Play-offarekin amets egiten jarraitzeko garaipena