Real Uniónek 1 eta 4 galdu du Stadium Galen.
Real Unión Club: Irazusta; Elosegi (Santos, 46. min.), Pérez, Ruiz, Kijera; Elizondo (Beobide, 73. min.), Rivero, Oyarzun (Núñez, 73. min.), Seguín (Capelete, 63. min.), Sánchez; Temenuzhkov (Pradera, 63. min.).
RC Celta B: Campos; Carrique, Álex, Castro, Holsgrove; Iker (Alfon, 68. min.), Medrano, Cedric (Javi Gómez, 68. min.), Gabri Veiga (Beitia, 78. min.), Carbonell; Lautaro.
Emaitza (1-4): 0-1, Álex (16. min.); 0-2, Veiga (20. min.); 1-2, Pérez (23. min.); 1-3, Lautaro (52. min.); 1-4, Lautaro (92. min.).
Epailea: Sergio Usón Rosel (Aragoa). Txartel horia atera dio Pérezi (73. min.) Real Uniónen aldetik eta Castrori (71. min.), Carbonelli (81. min.) eta Álexi (89. min.) Celta Bren aldetik. Txartel gorria atera dio Sánchezi bi txartel hori erakutsi eta gero (65. eta 91. min.).
Bestelakorik: 1. RFEF Footters-ko I. Multzoko hirugarren jardunaldia. Stadium Gal, 600 jarraitzaile inguru. Partida hasi aurretik, minutu bateko isilunea gorda da aste honetan hil den Eugenio “Ito” Legorbururen omenez.
Denboraldiko lehen porrota Aitor Zulaikaren taldearentzat, gaur arratsaldean 1 eta 4 galdu baitu Celta B-ren aurka Stadium Galen. Lehen zatiko lehen aukera irundarrentzat izan da, baina Elizondok areaz kanpotik egindako jaurtiketa kanpora joan da. Ondoren Celta Bren bi kolpeak etorri dira, lehena 16. minutuan Álexen bitartez, bigarrena 20. minutuan Veigaren bidez, Irazustaren aurrean ondo definitu duena. Aitor Zulaikak zuzentzen duen taldearen erreakzioa azkar etorri da eta Iván Pérezek, 23. minutuan, 1 eta 2koa igo du markagailura korner jaurtiketa bat errematatuz. Seguínek berdinketa lortzeko aukera izan du 35. minutuan. Oyarzunek falta atera, aldaratzea eibartarrari erori, baina bere jaurtiketa Vigoko atzelari batean jo eta kornerrera joan da.
Kijerak 50. minutuan izan du berdinketaren gola. Seguínen jaurtiketa atzelariari etorri baina bere jaurtiketa Celtakoen atearen gainetik joan da. Hurrengo jokaldian iritsi da Celta Bren hirugarrena. Irazustak sekulako bi geldiketa egin ondoren Lautaro izan da baloia ate barrura sartu duena. Saiatu da Real Unión erantzuten eta 54. minutuan aldea murrizteko aukera izan du talde irundarrak, baina Oyarzunen gehiegi gurutzatu eta kanpora joan da. Luzapenean Celta Bren laugarrena iritsi da, berriro ere Lautaroren bidez.
