CD Badajoz: Crettaz; Fernández, Pardo, Pérez, Aquino (Clemente, 80. min.); Santamaría, Núñez, Zelu (Mendes, 71. min.), Gómez (Otegui, 80. min.), Concha (Cuevas, 90. min.); Gallego.
Real Unión Club: Irazusta; Pérez (Pradera, 86. min.), Senar, Barbu, Kijera; Elizondo (Rivero, 46. min.), Beobide (Oyarzun, 67. min.), Seguín (Capelete, 78. min.), Sánchez (Bravo, 78. min.), Llamas; Temenuzhkov.
Emaitza (2-1): 0-1, Llamas (6. min.); 1-1, Concha (35. min.); 2-1, Santamaría (43. min.).
Epailea: José Luis Guzmán Mansilla (Andaluzia). Txartel horia atera die Gómezi (40. min.), Santamaríari (50. min.), Pérezi (51. min.) eta Clementeri (82. min.) CD Badajozen aldetik. Pascual kanporatu du (87. min.) txartel gorri zuzena aterata.
Bestelakorik: 1. RFEF Footters-ko I. Multzoko 29. jardunaldia. Nuevo Vivero, 3.818 jarraitzaile. Real Uniónen historiako lehen partida ofiziala Extremaduran.
Extremadurara historian egindako lehen bisita bi eta bateko porrotarekin amaitu da Real Uniónentzat markagailua iraultzeko gai izan den CD Badajozen aurka.
Real Uniónek aurrea hartu du Irungo taldearen lehen arrisku abagunean. Jokaldia ezker hegaletik Seguínek, pasea atzera eta Llamasek Crettaz gainditu du. 10. minutuan etxeko taldeak penaltia eskatu du Senarrek baloia eskuarekin moztu duelakoan David Conchak ezker hegaletik egindako erdiraketa batean, baina epaileak kornerra adierazi du. Minutu bat beranduago Santamaríak ez du Irazustaren aurrean asmatu. CD Badajozen berdinketaren gola 34. minutuan iritsi da David Concharen bitartez. Berriz hastea tokatzen zen. Seguínek zuzenean jaurtitako falta bat bisitarien atean sartzeko zorian egon da. Hurrengo arrisku jokaldian, 43. minutuan, Santamaríak 2-1ekoa egin du buruz.
Bigarren zatia Real Uniónen aldaketa batekin hasi da. Elizondok Riverori utzi dio bere postua. Irungo taldeak pilota izan du bigarren 45 minutuetan, baina ez da benetako arriskurik sortzeko gai izan etxekoen ate aurrean. Irundarren aukerarik onena 69. minutuan iritsi da, Sánchezek egin duen erdiraketa Seguíni iritsi zaio, baina Crettazen aurrean irrist egin du. Kontrako arean Concha izan da 75. minutuan partida ixteko aukera izan duena, baina bere jaurtiketa gurutzatuegi joan da.
Hurrengo jardunaldian Real Uniónek Cultural y Deportiva Leonesa hartuko du Stadium Galen, igandean, 17:00etatik aurrera.
