Real Uniónek eta Rural Kutxak lankidetza hitzarmen bat sinatu dute klubaren harrobia haztea ahalbidetzeko, eta klubari gazteei zuzendutako ekitaldiak antolatzeko eta hainbat material erosteko beharrezko tresnak emateko. Gainera, akordio horren baitan, harrobiko jokalari guztiek lehen taldearen kamiseta bat jasoko dute doan, baita Rural Kutxaren hainbat promozio ere, Real Uniónen familiakoa izateagatik.
Rural Kutxaren Irungo bulegoko zuzendari Ekai Sánchezek azpimarratu nahi izan duenez, “Rural Kutxak harrobiko kirolaren aldeko apustu sendoa egiten du, gure gazteak osasuntsu hazteko ezinbesteko elementua delako, eta zeharkako hainbat balio irakasteko balio duelako, hala nola adiskidetasuna, laguntasuna edo dibertsioa, eta horiekin guztiz identifikatuta sentitzen gara. Real Unión adibide bat da zentzu horretan”.
Igor Emery Real Unióneko Administrazio Kontseiluko presidentearen ustez, “harrobia gure proiektuaren oinarrietako bat da. Beraientzat lan egiten dugu, gurekin batera hazten joateko, helburuak lortzeko eta errendimendua hobetzeko. Urte batzuk barru horietako batzuek lehen taldera salto egin ahal izatea izango da lana ondo egin dela adierazten duen adierazlerik onena”.
Akordioa 2023ko abendura arte egongo da indarrean, eta luzatu ahal izango da, bi aldeek aldez aurretik hala adosten badute.
