Real Union Federazio Kopatik at geratu da, Las Llanasen oso partida parekatua jokatu eta gero.
Real Union Federazio Kopatik kanpo geratu da, Las Llanasen oso partida parekatua jokatu ondoren.
Lehen zatia gorabehera handirik gabe joan zen. Real Unionek hasiera ona izan zuen, eta horri esker, txuribeltzak Jon Iruarrizagaren ate ingurura hurbildu ziren, arrisku handirik sortu gabe. Lehen 35 minutuetan, norgehiagoka oso lehiatua izan zen, lehorrez zein airez, baina ez zen abagune argirik izan bi taldeentzat.
Lehen arrisku benetan handia 36. minutuan iritsi zen etxekoentzat: Markel Etxebarriak pase sakona jaso zuen eta, posizio eskasetik, baloia atearen eskuadratik gertu bidali zuen. Handik gutxira, 41. minutuan, Real Unionek aukera paregabea izan zuen. Unai Garciak erdiraketa aprobetxatuta, “guraize” itxurako bolea akrobatiko bat konektatu zuen, baina Iruarrizaga seguru agertu zen eta jaurtiketa gelditu zuen. Lehen zatiko azken minutuetan, norgehiagoka orekatuta eta benetako arriskurik gabe mantendu zen.
Bigarren zatia beste erritmo batekin hasi zen, askoz dinamikoagoa. 59. minutuan, Santi Miguelezek atezainari eraso zion area barruan, baina bere jaurtiketa, oso kaskarra, defentsak urrundu zuen goleko marratik gertu. Arauzko denboraren azken txanpan, Real Union izan zen gehien estutu zuena, Sestao bere zelaian itxiz. Ekintza aipagarrien artean Peruren txilena bat eta Mustapharen bandako hainbat ekintza izan ziren.
Luzapenean, jokoari berriro ekin bezain laster, Gomezak Real Unioneko jokalari batengan ukitu zuen jaurtiketa bat eskuadratik sartu zen, Lander Emeryrentzat ezinezko bihurtuz. Gainerako denboran, Real Unionek bilatu zuen gehien gola, 119. minutuan, Manolo Molinaren burukada bat zutoina urratuz joan zenean.
SESTAO RIVER: Jon Iruarrizaga;Jon Rojo, Iñigo Gomeza; Imanol Sarriegi; Oier Erdozia; Ieltxu Garcia(Pradera, 105’); Ander Laka (Barbarín, 79’); Mikel Montero; Gaizka Argente; Jorge Garcia(Del Rio, 79’); Markel Etxebarria
REAL UNIÓN CLUB: Lander Emery; Javi Fontán (Mancisidor, 90’); Álvaro Mateo, Manolo Molina; David Fernández(Palenzuela, 100’); Unai Garcia (Louakima, 62’); Peru Ruiz; Martin Arruti; Ignacio Tellechea (Mustapha, 72’); Santiago Miguélez( Soroeta, 62’); Juan de la Mata (A. Fernández, 90’).
GOLAK: Iñigo Gomeza (92’)
EPAILEA: Aitor Barrio:Tarjetas Real Unión: Alvaro Mateo (70’); Peru Ruiz (83’); Javier Soroeta (86’); Manolo Molina (96’)
