Hurrengo partida:

22/05/2022
| |
Extremadura UD - Real Unión Club

Real Uniónek puntu ona lortu du Leónen

CyD Leonesa: Sotres; Mangana (Rodri Suárez, 46. min.), Fran Cruz, Jorge Moreno, Castañeda; Gaztañaga, Cerrajería, Ketu (Empis, 69. min.), Solís (Álamo, 79. min.), Álvaro Juan (Percan, 57. min.); Vitoria (Buenacasa, 79. min.).

Real Unión Club: Irazusta; Santos, Pérez, Barbu, Kijera; Vivancos (Rivero, 69. min.), Seguín (Pradera, 88. min.), Capelete (Núñez, 88. min.), Llamas (Oyarzun, 81. min.), Beobide; Temenuzhkov (Bravo, 69. min.).

Emaitza (1-1): 1-0, Gaztañaga (23. min.); 1-1, Capelete (penaltiz, 50. min.).

Epailea: Alberto Gómez Lameiro (Galizia). Txartel horia atera dio Álvaro Juani (43. min.), Cerrajeríari (85. min.), Rodri Suárezi (86. min.) eta Dani Sotresi (91. min.) CyD Leonesaren aldetik eta Barburi (51. min.) Real Uniónen aldetik. Fran Cruz kaleratu du (49. min.) CyD Leonesaren aldetik.

Bestelakorik: 1. RFEF Footters-ko I. Multzoko 19. jardunaldia. Reino de León futbol-zelaia, 3.000 jarraitzaile inguru.

Real Uniónek berdinketa lortu du Reino de León futbol-zelaian, lehen zatiaren erdian maldan gora jarri zaion eta bigarren zatia hasi eta berehala berdintzea lortu duen partidan.

Neurketako lehen aukera Real Uniónek izan du, Aitor Seguínen jaurtiketa baten bidez, Dani Sotresek defendatutako ate gainetik joan dena. Etxeko taldearen erantzuna 14. minutuan etorri da, Ander Vitoriak buruz egindako erremate baten bidez. Cultural Leonesaren gola 22. minutuan iritsi da, Gaztañagaren urruneko jaurtiketa batek Irazusta ezustean harrapatu ondoren. Aitor Zulaikak entrenatutako taldeak birritan izan du berdinketa lortzeko aukera atsedenaldira iritsi aurretik. 25. minutuan, Llamasen bitartez, buruz egindako erremate batean, kornerrera joan dena. Eta 31.ean, berriz ere Llamas protagonista izan delarik, buruz egindako beste erremate batekin Capeletek eskuin hegaletik egindako jokaldi baten ondoren. Horrela iritsi da partida atsedenaldira.

Bigarren zatiko lehen arrisku jokaldian Aitor Zulaikaren taldearen aldeko penaltia iritsi da eta Mario Capeletek markagailuan banakoa jarri du. Cultural Leonesa, gainera, bat gutxiagorekin geratu da, Fran Cruz kanporatua izan baita. Hortik aurrera, Irungo taldeari gehiago kostatu zaio partida irakurtzea, eta ez da gai izan abagune argiak sortzeko, nahiz eta bat gehiagorekin egon.

Real Uniónek 30 punturekin amaitu du lehen itzulia, bederatzi partida irabazita, hiru berdinduta eta zazpi galduta.

Parteka ezazu

Share on facebook
Share on twitter
Share on whatsapp

Zurekin hazten jarraitu nahi dugu...

ZU ERETXURIBELTZ

DENDA

Taldearen produktu guztiak prezio onenetan

NOBEDADEA

Lotutako albisteak

Real Unión izango da aste honetako Igandero ekitaldiko protagonista
Filiala mailaz jaitsi da, garaipena lortu arren
Play-offarekin amets egiten jarraitzeko garaipena