Real Unióneko infantile mailako bi taldeak Aste Santuan joango dira Vila-realera apirilaren 6tik 9ra bitartean Yellow Cup Easter txapelketa jokatzeko, Villarreal FC taldeak antolatutako nazioarteko harrobiko futbol txapelketa.
Txapelketa, bai futbol 7-rak (prebenjaminak, benjaminak eta alebinak), bai futbol 11-rako (infantilak, kadeteak eta jubenila) eta emakumezkoen mailarako (12 urte azpikoak eta 16 urte azpikoak) diseinatua, dagoeneko baieztatuta ditu hogei herrialde desberdinetako hogeita hamar talde baino gehiago, besteak beste, Real Madrid CF, FC Barelona, Atlético de Madrid, Valencia CF, Reala, Juventus eta Olympique Marseilla.
Klubetik lortu nahi den helburua, txapelketatik haratago, jokalariek eta euren familiek esperientzia ezberdina izatea da, izan ere, txapelketa jokatzeaz gain, antolatzaileek hezkuntzara, kulturara eta balioetan trebatzera bideratutako jarduera osagarriak dituzte programatuta.
Txapelketa José Manuel Llaneza Kirol Hirian, Pamesa Cerámica Kirol Hirian eta Ciutat Esportiva Municipal Vila-realen jokatuko da.
