Real Unión eta CD Derio taldeen arteko RFEF Kopako fase autonomikoaren finala asteazken honetan, irailaren 13an, jokatuko da Stadium Galen, 19:30etatik aurrera. Partida denboraldiko abonuan sartuta dago. Abonatuak ez direnen kasuan, sarrera 5 eurokoa izango da 7 eta 14 urte bitarteko haurrentzat eta 10 eurokoa 15 urtetik gorakoentzat.
Irungo taldeak Arenas Club 0-1 gainditu zuen abuztuaren 30ean Gobelan, eta CD Deriok gauza bera egin zuen SD Leioarekin, kasu honetan 1-2, Sarrienan.
Irabazlea irailaren 27an hasiko den fase nazionalerako sailkatuko da. Aurreko denboraldian bezala, RFEF Kopako finalerdietarako sailkatzen diren lau taldeek Errege Kopa jokatzeko txartela lortuko dute. Gogoan izan behar da Real Unión aurreko denboraldian RFEF Kopako finalerdietaraino iritsi zela, eta bide horretatik Errege Kopa jokatzeko txartela lortu zuela. Lehiaketa horretan Cádiz CF kanporatu zuten Stadium Galen, hiru eta bi gaindituz, eta, ondoren, Mallorca CF taldearen aurka galdu zuten, huts eta bat.
